6 سال سے اولاد سے محروم سعودی جوڑے کے یہاں ایک ساتھ 3 بچیوں کی پیدائش

ریاض: سعودی عرب میں 6 سال سے اولاد سے محروم خاتون کے یہاں ایک ساتھ 3 بچیوں کی پیدائش ہوئی ہے، بچیوں کے والد خدا کی رحمت پر خوشی سے نہال ہیں۔

اردو نیوز کے مطابق نجران ریجن کا رہائشی سعودی جوڑا شادی کے 6 سال بعد ایک ساتھ 3 بچیوں کا باپ بن گیا، نومولود بچیوں کے نام اسما، سما اور سحاب رکھے ہیں۔

وزارت صحت نے مقامی شہری کی ایک تصویر سوشل میڈیا پر شیئر کی ہے جس میں دیکھا جاسکتا ہے کہ وہ اپنی تینوں بچیوں کو گود میں لیے ہوئے ہے۔

سوشل میڈیا صارفین نے وزارت صحت کے اعلامیہ پر ردعمل دیتے ہوئے خاندان کو دعاؤں سے نوازا۔

نومولود بچیوں کے والد کا کہنا ہے کہ وہ طویل عرصے سے خدا کی رحمت کا انتظار کر رہے تھے اور خدا نے انہیں خالی ہاتھ نہیں لوٹایا اور ان کا دامن خوشیوں سے بھر دیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/b4amE1Z