روسی صدر پیوٹن کی رہائش گاہ کریملن پر دوسرا ڈرون حملہ، روس کا سخت ردِ عمل

ماسکو: روسی صدر پیوٹن کی رہائش گاہ کریملن پر دو ڈرون حملے ہوئے ہیں، جس پر روس نے نہایت سخت ردِ عمل ظاہر کیا ہے۔

تفصیلات کے مطابق ولادیمیر پیوٹن کی رہائش گاہ کریملن پر گزشتہ روز یکے بعد دیگرے دو ڈرون حملے ہوئے، ویڈیوز میں دیکھا جا سکتا ہے کہ ڈرون اڑتے ہوئے آئے اور کریملن کی گنبد سے ٹکرا کر دھماکے سے تباہ ہو گئے۔

روس نے اس پر سخت رد عمل ظاہر کرتے ہوئے کہا ہے کہ روس پر حملے نے یوکرینی صدر کے خاتمے کے سوا کوئی آپشن نہیں چھوڑا، روسی سلامتی کونسل کے نائب چیئرمین نے کہا کہ زیلنسکی اور ساتھیوں کا خاتمہ ہی واحد آپشن بچا ہے۔

Second drone strike on Kremlin 16 minutes after the first attack pic.twitter.com/EzShvyG73d

— Russian Market (@runews) May 3, 2023

روس نے کریملن پر ڈرون حملے کو روسی صدر کو مارنے کی کوشش قرار دیا ہے، سوشل میڈیا پر گردش کرتی ویڈیوز میں کریملن کے اوپر دھوئیں کے بادل دیکھے جا سکتے ہیں۔

KREMLIN DRONE ATTACK

– Russia says two Ukrainian drones attacked Kremlin overnight

– Drones downed with no victims or material damage to the Kremlin

– Moscow says it was a terrorist attack and attempt on Putin's life

– Russia says it reserves right to respond when and how it… pic.twitter.com/loZA6c3Fvd

— The Spectator Index (@spectatorindex) May 3, 2023

یوکرین نے روسی صدارتی محل کریملن پر ڈرون حملے سے لاتعلقی کا اظہار کر دیا ہے، یوکرینی صدر نے روس کے الزام کو یک سر مسترد کرتے ہوئے کہا کہ ہم اپنے تحفظ کے لیے اپنی سرزمین پر لڑ رہے ہیں، روس پر حملہ نہیں کیا۔

امریکا نے تمام صورت حال سے لاعلمی کا اظہار کر دیا ہے، وزیرِ خارجہ انٹونی بلنکن کا کہنا ہے کہ پیوٹن پر قاتلانہ حملے کی تصدیق نہیں کر سکتے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/7bB8XYv