بھارت کی بدنام زمانہ قومی تحقیقاتی ایجنسی حریت رہنما یاسین ملک کو سزائے موت دلوانے کے درپے

نئی دہلی : بھارتی ایجنسی نے کشمیری رہنما یاسین ملک کو سزائے موت دلوانے کے لیے دہلی ہائی کورٹ سے رجوع کرلیا۔

تفصیلات کے مطابق بھارت کی کشمیری حریت رہنماؤں کو راستے سے ہٹانے اور جعلی مقدمات میں قتل کرنے کی سازش بے نقاب ہوگئی۔

انتہا پسند مودی سرکار نے جموں کشمیرنیشنل فرنٹ کے سربراہ اور حریت رہنما یاسین ملک کے خلاف سازش تیار کرلی ، بھارت کی بدنام زمانہ قومی تحقیقاتی ایجنسی پابند سلاسل حریت رہنما یاسین ملک کو سزائے موت دلوانے کے درپے ہیں۔

نیشنل انویسٹی گیشن ایجنسی نے سزا دلوانےکے لیے دہلی ہائیکورٹ سے رجوع کرلیا ، یاسین ملک کےخلاف این آئی اے کی درخواست پیر29مئی کو عدالت میں سماعت کے لیے مقرر کردی گئی ہے۔

جسٹس سدھارتھ میریدل اورجسٹس تلونت سنگھ پرمشتمل دہلی ہائی کورٹ کا ڈویژن بینچ سماعت کرے گا۔

حریت رہنمایاسین ملک قابض بھارتی فورسزاورسرکار کے ہاتھوں جعلی مقدمات میں پابندسلاسل ہیں ، بھارتی فسطائی حکومت نے حریت رہنما کو 35سالہ پرانےجعلی مقدمے میں پھنسا رکھا ہے۔

یاد رہے بھارتی عدالتی نظام اورانتظامیہ کی ملی بھگت سےیاسین ملک کو گزشتہ سال سزاسنائی گئی تھی ، حریت رہنما کو دہشت گردی کی مالی معاونت کےجعلی مقدمے میں مجرم قرار دیا گیا تھا۔

خیال رہے یاسین ملک 2019 سے ہندوستان کی بدنام زمانہ تہاڑجیل میں قیدوبند کی صعوبتیں برداشت کررہے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/WV9aA4k