روس نے بھارت کو سنگین دھمکی دے دی

روس نے بھارت کو متنبہ کیا ہے کہ اگر اس نے روس کیخلاف ایف اے ٹی ایف کے اقدام کی مخالفت نہ کی تو وہ تیل اور ہتھیار کی ڈیل منسوخ کر دے گا۔

روس جس کو یوکرین کے خلاف جنگ چھیڑنے کے بعد کئی بین الاقوامی پابندیوں کا سامنا ہے۔ فنانشل ایکشن ٹاسک فورس (ایف اے ٹی ایف) نے بھی رواں سال فروری میں روس کی رکنیت منسوخ کر دی تھی اور اب وہ روس کو بلیک لسٹ یا گرے لسٹ میں شامل کرنے پر اصرار کر رہا ہے۔

غیر ملکی میڈیا کے مطابق اس صورتحال میں روس خود کو اقتصادی تنہائی سے بچانے کے لیے بھارت پر دباؤ ڈالا ہے کہ وہ اس کی ایف اے ٹی ایف میں حمایت کرے ساتھ ہی متنبہ کیا ہے کہ اگر بھارت نے روس کو ایف اے ٹی ایف کی بلیک لسٹ میں شامل ہونے سے نہ بچایا تو وہ اس کے ساتھ دفاعی اور توانائی شعبوں میں ہونے والے معاہدوں کو منسوخ کر دے گا۔

بلومبرگ کی رپورٹ کے مطابق روس پس پردہ صرف بھارت ہی نہین بلکہ گلوبل ساؤتھ کے دیگر کئی ممالک پر بھی دباؤ ڈال رہا ہے کہ وہ اسے ایف اے ٹی ایف کی فہرست سے شامل ہونے سے بچائیں۔

رپورٹ کے مطابق رواں ماہ کے شروع میں روس کی ایک سرکاری ایجنسی نے ہندوستانی ہم منصب کو خبردار کیا تھا کہ اگر ایف اے ٹی ایف نے روس کو بلیک لسٹ یا گرے لسٹ میں شامل کیا تو اس کے توانائی، دفاع اور ٹرانسپورٹیشن کے شعبوں میں بہت سنگین نتائج ہوں گے۔ روسی اہلکار نے نام ظاہر نہ کرنے کی شرط پر کہا تھا کہ یہ ایک بہت سنگین اور حساس مسئلہ ہے، یہ روس کی جانب سے غیر متوقع اور منفی نتائج کے بارے میں ایک طرح کی وارننگ ہے۔

واضح رہے کہ ایف اے ٹی ایف ایک ایسی بین الاقوامی تنظیم ہے جو بین الاقوامی سطح پر مالیاتی جرائم کی روک تھام کرتی ہے۔ اس تنظیم کی بلیک یا گرے فہرست میں شامل ہونے والے ملک کی نگرانی میں اضافہ کر دیا جاتا ہے۔ نیز اسے دی جانے والی مالی امداد پر بھی پابندی عائد کر دی جاتی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/pYZcxWV