بھارت میں‌ 2 مسافر ٹرینوں میں تصادم، مرنے والوں‌ کی تعداد 237 ہو گئی

اڑیسہ: بھارت میں‌ دو مسافر ٹرینوں میں تصادم کے نتیجے میں مرنے والوں‌ کی تعداد 237 ہو گئی ہے۔

تفصیلات کے مطابق بھارتی ریاست اڑیسہ میں مسافر ٹرینوں کے تصادم میں مرنے والوں کی تعداد 237 ہو گئی، حادثے میں 900 سے زائد افراد زخمی ہو گئے ہیں۔

ریل حادثے کو گزشتہ ایک عشرے سے زائد عرصے میں بھارت کا سب سے مہلک حادثہ قرار دیا گیا ہے، یہ حادثہ ضلع بالاسور کے بہناگا ریلوے اسٹیشن کے قریب پیش آیا۔

Death toll from India train crash rises to 233, rescue work continues pic.twitter.com/Lb3sGsj11G

— BNO News (@BNONews) June 3, 2023

ریاست کے چیف سیکریٹری پردیپ جینا نے ٹویٹر پر کہا کہ جمعہ کو ہونے والے حادثے میں مرنے والوں کی تعداد میں اضافے کا خدشہ ہے، ضلع بھر کے اسپتالوں میں ایمرجنسی نافذ کر دی گئی ہے۔

یہ تصادم جمعہ کو مقامی وقت کے مطابق تقریباً سات بجے شام کو اس وقت ہوا، جب بنگلور سے ہاوڑہ، مغربی بنگال جانے والی ہاوڑہ سپر فاسٹ ایکسپریس کولکتہ سے چنئی جانے والی کورومنڈل ایکسپریس سے ٹکرا گئی۔

روئٹرز کے مطابق حادثے سے متعلق متضاد معلومات سامنے آ رہی ہیں، ریلوے کی وزارت کے ترجمان امیتابھ شرما کے مطابق ایک ٹرین کی 10 سے 12 بوگیاں پٹری سے اتر گئی تھیں اور ملبہ قریبی ٹریک پر گر پڑا تھا۔ مخالف سمت سے آنے والی ایک اور مسافر ٹرین اس ملبے سے ٹکرا گئی، اور اس ٹرین کی بھی تین بوگیاں پٹری سے اتر گئیں۔

Distressed by the train accident in Odisha. In this hour of grief, my thoughts are with the bereaved families. May the injured recover soon. Spoke to Railway Minister @AshwiniVaishnaw and took stock of the situation. Rescue ops are underway at the site of the mishap and all…

— Narendra Modi (@narendramodi) June 2, 2023

انڈیا ٹو ڈے نے رپورٹ کیا ہے کہ اس حادثے میں مرنے والوں کی تعداد 280 ہو چکی ہے، حکام کی جانب سے حادثے کی وجوہ جاننے کے لیے تحقیقات شروع کر دی گئی ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/3eB9Az8