چین بھی موسمیاتی تبدیلی کی زد میں گرمی کا 60 سالہ ریکارڈ ٹوٹ گیا

بیجنگ: چین بھی موسمیاتی تبدیلی کی زد میں آ گیا ہے، بیجنگ میں گرمی کا 60 سالہ ریکارڈ ٹوٹ گیا۔

غیر ملکی میڈیا رپورٹس کے مطابق چین ہیٹ ویو کی زد میں آ گیا ہے، دارالحکومت بیجنگ میں گرمی کا 60 سالہ ریکارڈ ٹوٹ گیا، گزشتہ 2 روز چین میں تاریخی گرمی ریکارڈ کی گئی ہے۔

دارالحکومت بیجنگ میں شدید گرمی کا نیا ریکارڈ بن گیا ہے، جمعرات کو پارہ 41.1 ڈگری تک چلا گیا، بیجنگ کی موسمیاتی سروس کے مطابق درجہ حرارت نے 1961 میں 40.6 ڈگری کے پچھلے ریکارڈ کو پیچھے چھوڑ دیا۔

حکام کی جانب سے چین کے شمالی علاقوں کے لیے اعلیٰ ترین سطح کا الرٹ جاری کر دیا گیا ہے، جھلسا دینے والا درجہ حرارت صرف بیجنگ تک محدود نہیں ہے بلکہ پورے ملک میں محسوس کیا جا رہا ہے اور سائنس دانوں نے اس شدید گرمی کی وجہ موسمیاتی تبدیلی کو قرار دیا ہے۔

پیشن گوئی کرنے والے ماہرین نے خبردار کیا ہے کہ پارے کی بڑھتی ہوئی سطح اگلے تین سے چار دنوں تک برقرار رہے گی۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/CJgAkSt