چین، پاکستان اور ایران کے درمیان پہلی مرتبہ انسداد دہشت گردی مذاکرات

بیجنگ: چین، پاکستان اور ایران کے درمیان پہلی مرتبہ انسداد دہشت گردی مذاکرات ہوئے ہیں۔

تفصیلات کے مطابق چین، پاکستان اور ایران کے درمیان پہلی بار سہ فریقی انسداد دہشت گردی مذاکرات منعقد ہوئے ہیں، جس میں علاقائی سلامتی کی صورت حال اور خطے کو درپیش دہشت گردی کے خطرے پر گفتگو کی گئی۔

چینی وزارت خارجہ کا کہنا ہے کہ وفود کے درمیان علاقائی سلامتی کی صورت حال پر گفتگو ہوئی، مذاکرات کا انعقاد بیجنگ میں کیا گیا، جس میں خطے میں نئی صف بندی کی تجویز پیش کی گئی۔

ترجمان چینی وزارت خارجہ نے بتایا کہ سہ فریقی اجلاس ڈائریکٹر جنرل سطح پر ہوئے ہیں، مذاکرات میں سہ فریقی اجلاس آئندہ بھی منعقد کرنے پر اتفاق کیا گیا۔

اجلاس میں سعودی عرب اور ایران کے درمیان ثالثی پر چینی کردار کو سراہا گیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/phuo6cN