بپر جوائے سے سعودی عرب کے ساحلی علاقوں کو خطرہ؟

ریاض: سعودی عرب میں موسمیات کے ماہر کا کہنا ہے کہ بحیرہ عرب میں بننے والے طوفان بپر جوائے سے سعودی عرب کے ساحلی علاقوں کو کوئی خطرہ نہیں، سعودی عرب میں موسمی صورتحال مستحکم ہے۔

اردو نیوز کے مطابق سعودی عرب میں قومی مرکز برائے موسمیات کے ماہرعقیل العقیل کا کہنا ہے کہ بحیرہ عرب میں بننے والے طوفان بپر جوائے سے سعودی عرب کے ساحلی علاقوں کو کوئی خطرہ نہیں۔

سعودی ٹی وی الاخباریہ سے گفتگو کرتے ہوئے انہوں نے کہا کہ سعودی عرب میں موسمی صورتحال مستحکم ہے۔

اگر سمندری طوفان بپر جوائے خشکی کی سمت بڑھتا ہے تو اس صورت میں ہوا کا دباؤ جو بلندی پر ہوتا ہے وہ اس کا زور ختم کر دے گا۔

قومی مرکز برائے موسمیات کے ماہر کا کہنا تھا کہ طوفان کا رخ خشکی کی سمت ہونے کی صورت میں بارش کا امکان بڑھ سکتا ہے۔

اس سے قبل موسمیات کی ویب سائٹ طقس العرب کا کہنا تھا کہ سعودی عرب پر بحیرہ عرب میں بننے والے طوفان بپر جوائے کا کوئی اثر نہیں پڑے گا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/4MnOKvf