سعودی عرب میں خراب موسم کے حوالے سے نیا وارننگ سسٹم

ریاض: سعودی عرب خراب موسم کے حوالے سے نئے وارننگ سسٹم کا اعلان کیا جائے گا، نئے وارننگ سسٹم کا اعلان اس قومی ورکشاپ کے دوران کیا جائے گا جس میں حکام اور ماہرین شرکت کریں گے۔

اردو نیوز کے مطابق سعودی وزیر ماحولیات و پانی و زراعت اور سربراہ قومی مرکز برائے موسمیات انجینیئر عبد الرحمٰن الفضلی سعودی عرب میں خراب موسم کے حوالے سے نئے وارننگ سسٹم کا اعلان کریں گے۔

انجینیئر عبدالرحمٰن الفضلی نئے وارننگ سسٹم کا اعلان اس قومی ورکشاپ کے دوران کریں گے جس کا اہتمام موسمیات کے قومی مرکز کی جانب سے کیا جارہا ہے۔

قومی ورکشاپ میں موسمی حالات سے نمٹنے پر مامور سرکاری ادارے شرکت کریں گے۔

ورکشاپ دو روز تک جاری رہے گی، اس کے ایجنڈے پر پیشگی انتباہ کا نظام اور علاقائی خدمات و اقدامات کو جدید خطوط پر استوار کرنا ہے۔

ورکشاپ کے دوران موسمی حالات سے پیدا ہونے والے مسائل اور خطرات سے مطلع کرنے کے لیے دنیا بھر میں رائج طریقوں پر روشنی ڈالی جائے گی اور اس حوالے سے مختلف ملکوں میں موجود قوانین اور قانون سازی پر بھی بات ہوگی۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/WRZ8cSn