ٹائٹینک کے ملبے سے سگنل موصول ہوئے ہیں: برطانوی میڈیا

لندن: برطانوی میڈیا نے کہا ہے کہ ٹائٹینک کے ملبے کے قریب سے سگنل موصول ہوئے ہیں۔

تفصیلات کے مطابق بحر اوقیانوس میں ٹائی ٹینک کی باقیات دیکھنے جانے والی لاپتا آب دوز کی تلاش تیسرے روز بھی جاری ہے، برطانوی میڈیا نے کہا ہے کہ ٹائٹینک کے ملبے سے سگنل موصول ہوئے ہیں۔

میڈیا رپورٹس کے مطابق کینیڈا کے طیارے کو ملبے کے قریب سے وقفے وقفے سے آوازیں سنائی دی گئی ہیں، ماہرین کا کہنا ہے کہ ریسکیو انتہائی مشکل ہے تاہم کوششیں جاری ہیں۔

آبدوز اتوار کو بحر اوقیانوس میں روانہ ہوئی تھی، جو سفر کے آغاز کے ایک گھنٹے 45 منٹ بعد ہی لاپتا ہو گئی تھی، آبدوز میں اینگرو پاکستان کے وائس چئیرمین شہزادہ داؤد اوران کے 19 سال کے بیٹے سلیمان داؤد سمیت 5 افراد سوار ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/Tiawlg3