امریکی یوم ازادی پر فائرنگ کے 16 واقعات 15 افراد ہلاک 94 زخمی ہوئے

واشنگٹن: امریکی یوم آزادی پر فائرنگ کے 16 واقعات پیش آئے، جن میں 15 افراد ہلاک اور 94 زخمی ہوئے۔

تفصیلات کے مطابق امریکا میں اسلحہ رکھنے کے قانون نے امریکی معاشرے کو پُر تشدد واقعات کے عفریت کے حوالے کر دیا ہے، آئے مختلف ریاستوں میں ماس شوٹنگ کے واقعات میں انسانی جانیں ضائع ہو جاتی ہیں۔

منگل چار جولائی کو امریکی یوم آزادی پر بھی یہ واقعات نہ رک سکے، بلکہ ان میں اور شدت آ گئی، اور مختلف ریاستوں میں اس دن سولہ خونیں واقعات نے جشن کو ماتم میں بدل دیا ہے۔

یوم آزادی پر دارالحکومت واشنگٹن ڈی سی سمیت 13 ریاستوں میں فائرنگ کے واقعات پیش آئے، جن میں مجموعی طور پر پندرہ افراد کی جانیں گئیں، اور چورانوے شہری زخمی ہوئے جن میں خواتین اور بچے بھی شامل ہیں۔

امریکی میڈیا رپورٹس کے مطابق رواں سال فائرنگ کے 350 سے زائد واقعات پیش آ چکے ہیں، جس پر امریکی صدر جو بائیڈن گن کنٹرول کے لیے سخت قانون سازی کا مطالبہ کر دیا ہے، تاہم ریپبلکنز ارکان کانگریس کا مؤقف ہے کہ اسلحہ رکھنے کی اجازت امریکی آئین دیتا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/DaI0M4P