اے ٹی ایم سے 8 ہزار نکالنے پر شہری کو صرف چھ سو روپے ملے!

حیدر آباد میں اس وقت ایک شخص کو حیرانگی اور پریشانی کا سامنا کرنا پڑا جب اس نے اے ٹیم مشین سے مجموعی طور پر آٹھ ہزار روپے نکالے مگر اسے صرف چھ سوروپے ملے!

غیرملکی میڈیا رپورٹس کے مطابق بھارتی شہر حیدرآباد میں ایک مقامی بینک کے اے ٹی ایم سے پہلے تو مذکورہ شخص نے ایک ہزار کی رقم نکالی اور اسے محض دو سو روپے کی رقم ہی ملی۔

ایچ ڈی ایف سی نامی بینک کی اے ٹی ایم مشین میں اس شخص نے بار بار کارڈ ڈالا کہ شاید درست رقم باہر آجائے، تاہم 8 ہزار روپے نکالنے پر اس کے ہاتھ صرف 600 روپے ہی لگے۔

اسی طرح اور بھی کئی افراد نے مذکورہ اے ٹی ایم سے کم پیسے نکلنے کی شکایت کی ہے، اس دوران عوام کا مجمع وہاں جمع ہو گیا، بینک کے حکام کو اس حوالے سے مطلع کردیا گیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/5eFI2v8