ڈاکو نے راہ چلتی خاتون کے گلے سے چین کھینچ لی پھر کیا ہوا

لکھنؤ : بھارت میں رہزنی کی واردات کے دوران ملزم نے راہ چلتی خاتون کے گلے سے طلائی چین توڑ کر بھاگ نکلا۔

ان دنوں سوشل میڈیا پر22 سیکںڈ کی ایک ویڈیو وائرل ہورہی ہے جس میں ایک ملزم گلی سے گزرنے والی خاتون کے گلے سے چین کھینچ کر فرارہوگیا۔

گومتی نگر کے ویرم کھنڈ علاقے میں لگے سی سی ٹی وی کیمرے میں واردات کا سارا منظر محفوظ ہوگیا تاہم پولیس ملزم کو تاحال گرفت میں نہ لے سکی۔ مذکورہ ویڈیو کو سوشل میڈیا پر بڑے پیمانے پر شیئر کیا گیا۔

ویڈیو میں دیکھا جاسکتا ہے کہ وہ عورت سڑک پر چل رہی ہے اسی دوران اچانک ایک شخص پیچھے سے آکر اس کی زنجیر چھین لیتا ہے اور اسے سڑک پر دھکا دے کر فرار ہو جاتا ہے، خاتون سنبھکنے کے فوری بعد اس کے پیچھے بھاگتی ہے، لیکن ملزم بہت دور جاچکا ہوتا ہے۔

اسی طرح کے ایک اور واقعہ میں جانکی پورم پولیس نے ایک 25 سالہ شخص کو ایک خاتون کی زنجیر چھیننے کے الزام میں گرفتار کیا۔

پولیس کے بیان میں کہا گیا ہے کہ ملزم کی شناخت راجویر سنگھ عرف اجیت سنگھ کے طور پر کی گئی ہے، جو پیشہ کے لحاظ سے ایک مزدور ہے اور شاملی ضلع کا رہنے والا ہے، جس کے خلاف یو پی کے مختلف اضلاع میں کئی مقدمات درج ہیں۔

پولیس کے مطابق ملزم کے قبضے سے ایک منگل سوتر اور ایک سونے کا لاکٹ ملا ہے۔ اس شخص کو ہفتہ کو لکھنؤ پولیس نے جانکی پورم ایکسٹینشن میں سی ڈی آر آئی کیمپس کے قریب سے گرفتار کیا تھا اور اب اسے جیل بھیج دیا گیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/8r9tFUL