مسلم ممالک کا احتجاج رنگ لے ایا سوئیڈن حکومت کا قران پاک کی بے حرمتی کو غیر قانونی قرار دینے پر غور

اسٹاک ہوم : سوئیڈن حکومت کا قرآن پاک کی بے حرمتی کو غیر قانونی قرار دینے پر غور شروع کردیا، سویڈن کےوزیرانصاف کا کہنا ہے کہ حالیہ واقعات سے سویڈن کی داخلی سلامتی کے خطرات میں اضافہ ہوا ہے۔

تفصیلات کے مطابق امت مسلمہ کا احتجاج اثر دکھانے لگا، سوئیڈن کی حکومت قرآن پاک کی بےحرمتی کو غیرقانونی قرار دینے پرغورکرنے لگی۔

سویڈن کے وزیر انصاف گونارسٹرومر نے کہا کہ حکومت قرآن پاک کی بےحرمتی کے واقعہ کے بعد پیدا ہونے والی صورتحال کا جائزہ لی رہی ہے اور قرآن پاک سمیت دیگر مقدس کتب کی بے حرمتی کو غیرقانونی قرار دینے پر غور کیا جا رہا ہے۔

گونارسٹرومر کا کہنا تھا کہ حالیہ واقعات سے سویڈن کی داخلی سلامتی کے خطرات میں اضافہ ہوا ہے۔

یاد رہے قرآن پاک کی بے حرمتی کے شرمناک واقعے پر پاکستان میں سوئیڈن کے سفارت خانے کی جانب سے اپنی حکومت کا بیان ٹوئٹر پر جاری کیا تھا، جس میں کہا گیا تھا کہ سوئیڈش حکومت اسلامو فوبیا پر مبنی اس عمل کو سختی سے مسترد کرتی ہے۔

سوئیڈش حکومت نے واقعے مکمل لاتعلقی کا اظہار کرتے ہوئے کہا تھا کہ یہ واقعہ ہماری حکومت کا موقف واضح نہیں کرتا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/0S4Z1ft