طیب اردوان کی امریکی ہم منصب جوبائیڈن سے ملاقات

لتھوانیا: ترکیہ کے صدر طیب اردوان نے نیٹو کانفرنس میں امریکی ہم منصب جو بائیڈن سے ملاقات کی اور اہم امور پر تبادلہ خیال کیا۔

خبررساں ادارے کے مطابق امریکی صدر جوبائیڈن نے لتھوانیا کے دارالحکومت ولنیئس میں نیٹو کے دو روزہ سربراہ اجلاس کے موقع پر ترک صدر اردوان سے ملاقات کے دوران کہا کہ میں آپ کی سفارت کاری اور اس کو آگے بڑھانے کے لیے آپ کی ہمت وحوصلے پرآپ کا شکریہ ادا کرنا چاہتا ہوں۔

ترکیہ کے صدر رجب طیب اردوان نے کہا کہ ترکیہ امریکا کے ساتھ تعلقات کا نیا دور شروع کر رہا ہے، وقت آگیا ہے کہ امریکا کے ساتھ اسٹریٹیجک میکانزم پر مشاورت کریں۔

امریکی صدر جو بائیڈن نے سوئیڈن کی نیٹو رُکنت کے لیے ترکیے کی طرف سے مخالفت ختم کرنے پر رجب طیب اردوان کا شکریہ ادا کیا، بائیڈن نے کہا کہ سوئیڈن کی نیٹو رکنیت سربراہی اجلاس کے اہم ایجنڈے میں سے ایک ہے۔

مغربی میڈیا کے مطابق ترکیہ نے غیر ملکی سرمایہ کاری کے لیے سوئیڈن کی حمایت کا فیصلہ کیا ہے، سوئیڈن وک گرین سگنل ملنے کے بعد امریکہ ترکیہ کو ایف 16 طیارے فراہم کرے گا۔

امریکی صدر نے کہاکہ ترک صدر سے دوبارہ ملاقات کا منتظر رہوں گا، ترک صدر نے بائیڈن کو 2024 میں ہونے والے امریکی صدارتی انتخابات کے لیے گڈ لَک کہہ دیا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/GNKDoUe