عالمی ادارہ صحت کا ایتھوپیا کے حالات پر اظہار تشویش

عالمی ادارہ صحت (ڈبلیو ایچ او) کے سربراہ ڈاکٹر تیدروس ایڈہانوم نے کہا ہے کہ ایتھوپیا میں ہونے والے پرتشدد واقعات انتہائی تشویشناک ہیں۔

اپنے ایک حالیہ بیان میں ان کا کہنا ہے کہ ایتھوپیا میں جھڑپیں حفظان صحت کے نظام کو متاثر کر رہی ہیں تنازعات عوام کی صحت پر براہ راست اثر انداز ہوتے ہیں، اس کے صحت کے نظام کے لیے سنگین اور دیرپا نتائج ہوسکتے ہیں۔

ورلڈ ہیلتھ آرگنائزیشن کے ڈائریکٹر نے کہا کہ انہیں ایتھوپیا کے دوسرے سب سے زیادہ گنجان آبادی والے علاقے امہارا میں جاری تشدد پر تشویش لاحق ہے۔

ان کا کہنا تھا کہ صحت کی عالمی تنظیم کو ایتھوپین علاقے امہارا میں پر تشدد واقعات کے باعث راستوں کی ناکہ بندی کی وجہ سے امداد کی ترسیل میں مشکلات درپیش ہیں اور علاقے میں انٹرنیٹ کی بندش بھی خبر رسانی کے عوامل میں مشکلات کھڑی کررہی ہے۔

ان کا کہنا ہے کہ ایسے تنازعات عوام کی صحت پر براہ راست اثر انداز ہوتے ہیں۔ اس کے صحت کے نظام کے لیے سنگین نتائج ہوسکتے ہیں۔

امہارا میں صحت کی خدمات تک بلاتعطل رسائی اور تحفظ کا مطالبہ کرتے ہوئے سکریٹری جنرل ڈبلیو ایچ او نے کہا کہ ڈبلیو ایچ او اور اس کے شراکت دار اپنا کام جاری رکھ سکتے ہیں، انہوں نے اس بات پر زور دیا کہ ہمارے لیے سب سے بڑھ کر امن ہے۔

یاد رہے کہ ایتھوپیا میں وفاقی حکومت نے 4 اگست کو امہارا کے علاقے میں فوج اور مقامی ملیشیاؤں کے درمیان جھڑپوں میں اضافے کے باعث ہنگامی حالت کا اعلان کیا تھا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/BNOKcCo