صدارتی الیکشن میں مداخلت کا الزام، ڈونلڈ ٹرمپ پر ایک اور فرد جرم عائد

واشنگٹن: صدارتی الیکشن میں مداخلت کے الزام میں سابق امریکی صدر ڈونلڈ ٹرمپ پر ایک اور فرد جرم عائد کر دی گئی۔

تفصیلات کے مطابق سابق امریکی صدر ٹرمپ پر نئی فرد جرم میں گرینڈ جیوری نے 4 سنگین الزامات عائد کر دیے ہیں، فرد جرم میں دھوکے، سازش، سرکاری کام میں رکاوٹ ڈالنے کے الزامات شامل ہیں۔

ٹرمپ پر بائیڈن کی صدارتی الیکشن میں جیت کی توثیق روکنے کی کوشش کا بھی الزام ہے، ڈونلڈ ٹرمپ کے 6 ساتھیوں پر بھی مقدمے میں فرد جرم عائد کی گئی ہے، تاہم ٹرمپ نے نئی فرد جرم کو انتقامی کارروائی اور آئندہ صدارتی الیکشن میں مداخلت قرار دے دیا ہے۔

ڈونلڈ ٹرمپ نے کہا بائیڈن کے محکمہ انصاف نے ایک بار پھر مجھ پر فرد جرم عائد کی ہے، میں نے کچھ غلط نہیں کیا، امریکیوں کو پرامن طریقے سے کام کرنے کو کہا تھا، ٹرمپ نے کہا انتخابی مداخلت کا گھناؤنا الزام بائیڈن انتظامیہ کی انتقامی کارروائی ہے، وہ جانتی ہے کہ میں آئندہ صدارتی الیکشن جیت سکتا ہوں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/z3xy8rv