برج الخلیفہ پر بھی پاکستانی پرچم کے رنگ

پاکستان کا جشن آزادی بیرون ملک بھی جوش وخروش سے منایا گیا دبئی میں برج الخلیفہ سبز ہلالی پرچم کے رنگ میں رنگ گیا۔

اے آر وائی نیوز کے مطابق پاکستان کا 76 واں جشن آزادی ملک کے طول وعرض سمیت بیرون ممالک بھی جوش وخروش سے منایا گیا۔ دنیا کی سب سے بلند عمارت دبئی میں واقع برج الخلیفہ بھی سبز ہلالی پرچم کے رنگ میں رنگ گیا جس کی ویڈیو سوشل میڈیا پر جاری کی گئی اور جاری پیغام میں پاکستانیوں کو 76 ویں جشن آزادی کی مبارک باد دی گئی۔

 

دوسری جانب اماراتی خلا باز سلطان النیادی نے چارسوکلومیٹرکی بلندی سے پاکستان کے 76 ویں جشن آزادی میں شرکت کی۔ پاکستانی عوام کو سماجی رابطوں کی ویب سائٹ ایکس پر مبارک باد دی اس کے ساتھ اسلام آباد کی تصویر بھی شیئر کی۔

اپنے پیغام میں لکھا کہ اماراتی عوام ہر اچھے اور برے وقت میں اپنے پاکستانی بھائیوں کے ساتھ رہی ہے۔ ہم صدیوں سے ساتھ رہ رہے ہیں اور ایک دوسرے کی ثقافت سے بہت کچھ سیکھا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/PJD7ZpL