معروف بھارتی ماہرقانون نے مودی کے شیطانی منصوبے کاپول کھول دیا

معروف بھارتی ماہر قانون نے مودی کے شیطانی منصوبے کاپول کھول دیا، سپریم کورٹ کے وکیل پرشانت بھوشن نے مودی حکومت پر پلوامہ، بالاکوٹ کی ریپیٹ ٹیلی کاسٹ کاالزام عائد کردیا۔

اے آر وائی نیوز کے مطابق پرشانت بھوشن نے کہا کہ الیکشن سے پہلے مودی سرکار رام مندر ایودھیہ پرجعلی دہشتگرد حملہ کرائیگی، دہشت گرد حملے کا ملبہ پاکستان پر ڈال کرجنگ کی فضا بنانا ہوگا۔

ایڈووکیٹ پرشانت بھوشن نے کہا کہ بالاکوٹ طرز پر بھارتی فوج آزاد کشمیر میں جعلی زمینی کارروائی کرے گی، جعلی کارروائی کرکے مودی کے انتخابات جیتنے کی راہ ہموار کی جائیگی۔

انہوں نے کہا کہ ان منصوبوں کی اطلاعات اور ذرائع انتہائی مصدقہ ہیں، انتخابات جیتنے کیلئے پاکستان مخالف بیانیہ، جعلی سرجیکل اسٹرائیک مودی سرکار کی روایت ہے۔

ایڈووکیٹ پرشانت بھوشن کا کہنا تھا کہ الیکشن جیتنے کیلئے جنگی ماحول بنانا مودی سرکار کی پرانی روایت ہے، 2019 میں بھی پلوامہ، جعلی سرجیکل اسٹرائیک کاڈرامہ رچا کر انتخابات کو متاثر کیا گیا، انہوں نے کہا کہ مودی انتخابات جیتنے کے لئے کچھ بھی کرسکتا ہے۔

انہوں نے کہا کہ ہریانہ فسادات اور مہاراشٹرا ریلوے فائرنگ اسی منصوبے کاحصہ ہیں، مودی کے سیاسی عزائم ہندوستان کومنی پور کی طرح دولخت کر دینگے۔

پرشانت بھوشن کا کہنا تھا کہ پلوامہ حملے کی انکوائری رپورٹ 5سال بعد بھی منظرعام پر نہیں آئی، 11 انٹیلی جنس رپورٹس کونظر انداز کر دیا گیا، ستیاپال ملک کوخاموش رہنے کا کہا گیا۔

سینئر قانون دان پرشانت بھوشن نے بھارتی میڈیا کی مودی نواز پالیسیوں پر بھی کڑی تنقید کی، انہوں نے کہا کہ عوام مودی سرکار کے چناؤ جیتنے کیلئے اپنائے گئے اوچھے ہتھکنڈوں سے باخبررہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/idfV1FG