بلومبرگ کی رپورٹ نے مودی کا اصل چہرہ بے نقاب کردیا

واشنگٹن: بلومبرگ کی سامنے آنے والی تازہ ترین رپورٹ نے بھارتی وزیراعظم نریندر مودی کی اصلیت کا پردہ چاک کردیا۔

بین الاقوامی خبر رساں ادارے کی رپورٹ میں انکشاف ہوا ہے کہ مودی کے دور حکومت میں مسلمانوں کے خلاف نفرت انگیز تقاریر و جرائم کے بھارتی تاریخ میں سب سے زیادہ واقعات رونما ہوئے ہیں۔

بلومبرگ کی رپورٹ میں بتایا گیا ہے کہ 2014 میں مودی کے اقتدار میں آنے کے بعد سے بھارتیوں میں مسلمانوں کیخلاف رجحان دیکھنے میں آیا ہے۔

یہ رپورٹ اس لحاظ سے بھی اہمیت رکھتی ہے، کیونکہ اس میں 2017 میں بھارت کے کرائم بیورو کی جانب سے نفرت پر مبنی جرائم کے اعداد و شمار جمع نہ کرنے کے بعد سے مسلم مخالف تقاریر اور دیگر پرتشدد واقعات کو ریکارڈ کیا گیا۔

بلومبرگ نے واشنگٹن ڈی سی میں قائم ایک تحقیقی گروپ ہندوتوا واچ کی طرف سے جاری کردہ ایک رپورٹ کا حوالہ دیا جس میں نفرت انگیز تقاریر اور بھارت میں اقلیتوں کے خلاف جرائم کے اعداد و شمار کا ذکر کیا گیا تھا۔

مسلمانوں کے خلاف نفرت انگیز تقاریر کے ریکارڈ شدہ 255 واقعات میں سے تقریباً 80 فیصد بھارتیہ جنتا پارٹی (بی جے پی) کی زیر حکومت ریاستوں میں پیش آئے۔

مودی حکومت کے باعث بھارت کی مسلمان آبادی کو تعصب اور مذہبی ظلم و جبر جھیلنا پڑ رہا ہے، ناقدین کے مطابق اس کا مقصد مسلمانوں کو پسماندہ کرنا اور انہیں بھارت سے بیدخل کرکے بھارت کو مکمل ہندو ملک میں تبدیل کرنا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/O1GWq5x