’’متحدہ عرب امارات میں ویزے کی پابندی ختم‘‘

ابوظبی : متحدہ عرب امارات (یو اے ای) کی حکومت نے نائیجیریا کے باشندوں کے لیے عائد کی جانے والی ویزہ پابندی ختم کردی ہے۔

غیرملکی خبر رساں ادارے کی رپورٹ کے مطابق نائیجیرئین صدر بولا احمد تینوبو کے خصوصی مشیر اجوری گیلالے نے بتایا کہ صدر نے اماراتی صدر محمد بن زائد النہیان کے ساتھ ابوظبی میں ملاقات کی۔

مشیر نے بتایا کہ اس ملاقات میں دونوں سربراہوں نے نائجیرین شہریوں کے لیے امارات کے سفر پر پابندی کا فیصلہ ختم کرنے کے معاہدے پر دستخط کیے ہیں۔

واضح رہے کہ اماراتی حکام نے گزشتہ سال اکتوبر میں بلا کسی وجہ سے نائیجیرئن شہریوں پر ویزہ پابندی لگا دی تھی جبکہ اتحاد اور ایمریٹس ایئر لائنز نے نائیجیریا پر واجب الادا رقوم کی عدم ادائیگی پر پروازیں بھی بند کردی ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/gX3KCJo