بحرین: غیرملکیوں کو بڑی سہولت دیدی گئی

کویت: بحرین حکومت کی جانب سے غیرملکیوں کے لئے بڑی سہولت کا اعلان کردیا گیا، مملکت نے مشرق وسطیٰ میں تارکین وطن کے لیے اولین منزل کے طور پر ایک بار پھر اپنی پوزیشن مستحکم کر دی۔

عالمی خبر رساں ادارے کی رپورٹ کے مطابق سلطنت اپنی غیر ملکی کمیونٹی جس کی تعداد 1.8 ملین کی کل آبادی میں سے 1.1 ملین سے زیادہ ہے، کو میعاد ختم ہونے سے پہلے دنیا میں کہیں سے بھی اپنی رہائش اور ورک پرمٹ کی تجدید کرنے کی اجازت دیتا ہے۔

غیر ملکی کمیونٹی کے لئے اس فیصلے کا اعلان شیخ ہشام بن عبدالرحمن الخلیفہ نے کیا، جو وزارت داخلہ کے انڈر سیکرٹری برائے نیشنلٹی، پاسپورٹ اور رہائشی امور (NPRA)کے فرائض انجام دے رہے ہیں۔

سلطنت کی جانب سے یہ سہولت لیبر مارکیٹ ریگولیٹری اتھارٹی (LMRA) کے ساتھ مل کر پیش کی گئی ہے۔

ورک پرمٹ کی تجدید غیر ملکی انتظامی نظام یا سرکاری LMRA چینلز کے ذریعے کی جا سکتی ہے اور رہائشی اجازت ناموں کی تجدید نیشنل پورٹل آف بحرین کے ذریعے کی جا سکتی ہے۔

یہ سروس تجارتی اور سرکاری دونوں شعبوں میں کام کرنے والے غیر ملکیوں کے ساتھ ساتھ رجسٹرڈ مزدوروں اور گھریلو ملازمین کے لیے بھی دستیاب ہے۔

دوسری جانب بحرین کے آفیشل گزٹ نے اپنے نئے شمارے میں ملک میں پلاٹینم ویزا اور رہائشی اجازت نامہ دینے کے فیصلے کی تفصیلات شائع کی ہیں، جو ولی عہد اور وزیر اعظم شہزادہ سلمان بن حمد الخلیفہ کی طرف سے جاری کیا گیا ہے۔

فیصلے کے مطابق "پلاٹینم ریذیڈنسی” کی سب سے نمایاں خصوصیات میں سے ایک یہ ہے کہ لائسنس ہولڈر کو مملکت بحرین چھوڑ کر وہاں واپس آنے کی اجازت ہے، اس کے علاوہ وہ تمام خطوں میں تعمیر شدہ جائیداد اور زمین کا مالک بن سکتا ہے، ماسوائے بحرین کے ان علاقوں کے استثناء کے ساتھ جن کا تعین وزیر انصاف، اسلامی امور اور اوقاف کے ولی عہد اور وزراء کونسل کے چیئرمین کی منظوری کے بعد کیا جاتا ہے، اس کے علاوہ شوہر یا بیوی، بچے اور والدین کیلئے بحرین میں داخلے اور رہائش کا اجازت نامہ حاصل کرسکتا ہے۔

فیصلے کا آرٹیکل 6 تین صورتوں میں "پلاٹینم ریذیڈنسی” کے لائسنس کی منسوخی کا حکم دیتا ہے، یعنی اگر اس کی رہائش کا تسلسل سلامتی، امن عامہ، یا قومی مفادات کے لیے نقصان دہ ہو، اگر یہ ثابت ہو جائے کہ اس نے رہائش کا اجازت نامہ غلط معلومات یا غلط دستاویزات کی بنیاد پر حاصل کیا تھا اور اگر اس نے غیرملکی (امیگریشن اور رہائش) قانون کی کسی شق کی خلاف ورزی کی ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/8CN4sRu