اسرائیلی وزیر خارجہ ایلی کوہن کا ایک اور میڈیا اسٹنٹ

نیویارک: اسرائیلی وزیر خارجہ ایلی کوہن کا ایک اور میڈیا اسٹنٹ سامنے آ گیا ہے، پچھلے میڈیا اسٹنٹ کے بعد لیبیا کو اپنی خاتون وزیر خارجہ نجلا المنگوش کو برطرف کرنا پڑ گیا تھا۔

غیر ملکی میڈیا رپورٹس کے مطابق اسرائیلی وزیر خارجہ ایلی کوہن کا ایک اور میڈیا اسٹنٹ سامنے آیا ہے، گزشتہ روز اسرائیلی وزیر خارجہ نے 6 سے 7 مسلم ملکوں سے جلد تعلقات بحالی کا دعویٰ کیا ہے۔

ایلی کوہن نے کہا سعودی عرب سے تعلقات کی بحالی کے بعد 6 سے 7 مسلم ممالک فیصلے کی پیروی کریں گے، سعودی عرب کے ساتھ امن کا مطلب مسلم دنیا اور یہودیوں کے درمیان امن ہے، میں نے کئی ایسے مسلم ممالک کے رہنماؤں سے ملاقات کی ہے جن کے ممالک کا اسرائیل سے رسمی تعلق نہیں۔

اسرائیلی وزیر خارجہ نے گزشتہ ماہ لیبیا سے تعلقات کی جلد بحالی کا بھی دعویٰ کیا تھا، یہ دعویٰ اٹلی میں لیبیا کی وزیر خارجہ سے ملاقات کے بعد سامنے آیا تھا۔ تاہم لیبیا کی حکومت نے اپنی وزیر خارجہ نجلا المنگوش کو بر طرف کر کے تحقیقات کا آغاز کر دیا۔

واضح رہے کہ پاکستان کے نگراں وزیر خارجہ جلیل عباس جیلانی نے دوٹوک انداز میں واضح کیا ہے کہ پاکستان اپنے قومی مفادات اور فلسطینی عوام کے مفادات کو مدنظر رکھ کر ہی کوئی فیصلہ کرے گا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/v1PyBWE