سویلا بریورمین کے پاکستان سے متعلق دعوے کا بھانڈا بیچ چوراہے پھوٹ گیا

لندن: برطانیہ کی بھارتی نژاد وزیر داخلہ سویلا بریورمین کے پاکستان سے متعلق دعوے کا بھانڈا بیچ چوراہے پھوٹ گیا ہے۔

تفصیلات کے مطابق برطانیہ کی بھارتی نژاد وزیر داخلہ سویلا بریورمین کا پاکستان مخالف رویہ بے نقاب ہو گیا ہے، برطانوی میڈیا ریگولیٹر نے وزیرِ داخلہ کا گرومنگ گینگ سے متعلق دعویٰ بے بنیاد قرار دے دیا۔

سویلا بریورمین نے غلط اور بے بنیاد دعویٰ کیا تھا کہ برطانیہ میں بچوں کے جنسی استحصال میں ملوث تقریباً تمام گرومنگ گینگز برٹش پاکستانی چلاتے ہیں۔

بی بی سی کے مطابق پریس ریگولیٹر نے کہا ہے کہ بریورمین کا یہ بیان غلط ہے کیوں کہ برطانوی وزارتِ داخلہ کی اپنی رپورٹ میں یہ بات سامنے آئی ہے کہ بچوں کے جنسی استحصال میں ملوث گرومنگ گینگز کے بیش تر ملزمان سفید فام ہیں۔

ایمنسٹی انٹرنیشنل نے بھارتی حکومت کا بھانڈا پھوڑ دیا

پریس ریگولیٹر نے فیصلہ دیا کہ ہوم سکریٹری کا یہ دعویٰ کہ برطانیہ میں بچوں کی گرومنگ کرنے والے گروہ ’’تقریباً تمام برطانوی پاکستانی مرد‘‘ تھے، گمراہ کن تھا۔

انڈیپنڈنٹ پریس اسٹینڈرڈز آرگنائزیشن (آئی پی ایس او) نے اتوار کے روز ’ڈیلی میل‘ کو ہدایت کی کہ وہ اپریل میں سویلا بریورمین کے لکھے گئے رائے کے ایک حصے کی تصحیح شائع کرے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/b4IcWzd