جنوبی کوریا کو شمالی کوریا سے حماس حملے جیسی تشویش لاحق

حماس کے حملے کے بعد جنوبی کوریا نے شمالی کوریا کے ساتھ فوجی معاہدے کو روکنے پر غور کر دیا۔

جنوبی کوریا کے وزیر دفاع نے کہا ہے کہ وہ حریف شمالی کوریا پر فرنٹ لائن نگرانی دوبارہ شروع کرنے کے لیے 2018 کے کوریائی فوجی معاہدے کو معطل کرنے پر زور دیں گے۔

حماس کے اسرائیل پر اچانک حملے نے شمالی کوریا کے اسی طرح کے حملوں کے بارے میں جنوبی کوریا میں تشویش کو جنم دیا ہے۔

منگل کو سیول میں صحافیوں سے بات کرتے ہوئے جنوبی کوریا کے وزیر دفاع شن وون سک نے اسرائیل اور غزہ میں تشدد کا حوالہ دیتے ہوئے شمال کی نگرانی کو مضبوط بنانے کی ضرورت پر زور دیا۔
شن وون کا تقرر صدر یون سک یول نے ہفتے کے روز کیا تھا۔

جنوبی کوریا کے سابق لبرل صدر مون جے اِن اور شمالی کوریا کے رہنما کم جونگ اُن کے درمیان سفارت کاری کے مختصر عرصے کے دوران طے پانے والے اس معاہدے نے جھڑپوں کو روکنے کے لیے زمینی اور سمندری حدود کے ساتھ ساتھ بفر زون اور سرحد کے اوپر نو فلائی زون بنائے۔

شمالی کوریا کے جوہری ہتھیاروں کے پروگرام پر 2019 میں واشنگٹن اور پیانگ یانگ کے درمیان بڑے مذاکرات کے خاتمے کے بعد کوریا کے درمیان تعلقات خراب ہو گئے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/a3vHOwo