حماس کے حملوں کے پیچھے ممکنہ طورپر ایران ہے، ٹرمپ کا الزام

سابق امریکی صدر ڈونلڈ ٹرمپ نے الزام لگایا ہے کہ حماس کے ان حملوں کے پیچھے ممکنہ طورپر ایران ہوسکتا ہے۔

غیر ملکی ذرائع ابلاغ کے مطابق سابق امریکی صدر نے ریلی سے خطاب کرتے ہوئے اسرائیلی وزیر دفاع کو احمق قرار دیا، انہوں نے کہا کہ اسرائیلی وزیر دفاع کے بظاہر اوسان خطا تھے اور وہ کہہ رہے تھے کہ انہیں امید ہے کہ حزب اللہ شمال سے حملہ نہیں کرے گی مگر اسی سمت سے اسرائیل پرحملہ ہوا۔

ڈونلڈ ٹرمپ نے لبنان کی مزاحمتی تنظیم حزب اللہ کو انتہائی اسمارٹ قرار دیتے ہوئے کہا کہ جو کچھ اسرائیل میں ہوا ہے وہ پہلے کسی نے دیکھا تک نہ تھا۔

ٹرمپ نے کہا کہ وہ یہ بات کبھی نہیں بھلا پائیں گے جب 2020 میں نیتن یاہو نے ایرانی فوج کے کمانڈر میجر جنرل قاسم سلیمانی کو نشانہ بنانے کے معاملے پر انہیں مایوس کیا تھا۔

ڈونلڈ ٹرمپ نے مزید کہا کہ آخری وقت پر انہیں بتایا گیا کہ اسرائیل اس ڈرون حملے میں شریک نہیں ہوگا تاہم امریکا نے کارروائی اپنی مکمل کی۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/Wmoc8Uw