سابق امریکی وزیر خارجہ ہنری کسنجر انتقال کرگئے

سابق امریکی وزیر خارجہ ہنری کسنجر 100 برس کی عمر میں انتقال کرگئے، وہ نوبیل انعام یافتہ سفارتکار تھے۔

غیر ملکی ذرائع ابلاغ کے مطابق ہنری کسنجر کا انتقال ریاست کنیکٹی کٹ میں واقع ان کی رہائش گاہ پر ہوا۔ ان کا شمار امریکا کے انتہائی متنازع مگر قابل احترام سفارتکاروں میں ہوتا تھا۔

امریکی میڈیا کا اس حوالے سے کہنا ہے کہ ہنری کسنجر آخری وقت تک انتہائی فعال رہے، انہوں نے وائٹ ہاؤس میں ہونے والی میٹنگز میں اپنی شرکت کو بھی یقینی بنایا۔

سابق امریکی وزیر خارجہ ہنری کسنجر نے سن 2023 میں بیجنگ کا غیر معمولی دورہ کیا تھا، جہاں انہوں نے چینی صدر شی جن پنگ سے بھی ملاقات کی تھی۔

سابق وزیر خارجہ نے کئی کتابیں لکھیں جن میں سفارتکاری اور قیادت سے متعلق امور پر غیر معمولی امور زیر بحث لائے گئے تھے۔

سابق امریکی وزیر خارجہ کی ہی بدولت امریکا اور روس کے درمیان ہتھیاروں کو کنٹرول کرنے سے متعلق بات چیت ممکن ہوئی تھی اور اسرائیل کے عرب ممالک سے تعلقات میں بھی وہی پیش پیش تھے۔

امریکا کا بھارتی شہری پر علیحدگی پسند سکھ رہنما کے قتل کی سازش کا الزام

وہ صدر رچرڈ نکسن کے دور میں 1970 میں وزیر خارجہ کے عہدے پر فائز تھے اور انہوں نے اس وقت چین کا دورہ کیا تھا جس کی وجہ سے امریکا اور چین کے تعلقات کی راہیں کھلی تھیں۔ پیرس امن معاہدے میں بھی انہوں نے انتہائی اہم کردار ادا کیا تھا۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/jkeLhVq