چین میں زلزلے سے تباہی، 111 افراد ہلاک

چین کے دو شمال مغربی صوبوں میں آنے والے زلزلے کے باعث تقریباً 111 افراد لقمہ اجل بن گئے، جبکہ سینکڑوں زخمی ہوگئے۔

بین الاقوامی خبر رساں ادارے کی رپورٹ کے مطابق رات گئے آنے والے زلزلے کی شدت 6.2 ریکارڈ کی گئی، زلزلہ چین کے Gansu اور Qinhai صوبوں میں آیا۔

حکام کا اس حوالے سے کہنا ہے کہ زلزلے کا مرکز گانسو (Gansu) کے صوبائی دارالحکومت شہر لانژو سے 102 کلومیٹر جنوبی مغرب میں تھا۔جبکہ زلزلے کی گہرائی 35 کلومیٹر تھی۔

غیرملکی میڈیا کے مطابق چینی حکام کی جانب سے 111افراد کی اموات کی تصدیق کردی گئی ہے جبکہ خدشہ ظاہر کیا جارہا ہے کہ تعداد میں اضافہ ہوسکتا ہے۔

سب سے زیادہ اموات گاسو میں ہوئیں جہاں 100افراد زلزلے کے باعث ہلاک ہوئے، دیگر اموات Qinghai میں ہوئیں۔

دوسری جانب رواں ماہ کے آغاز میں فلپائن میں آنے والے شدید زلزلے کے باعث سونامی کی وارننگ جاری کردی گئی تھی، لوگوں کو متاثرہ علاقے سے باہر نکالا گیا۔

غیر ملکی میڈیا رپورٹس کے مطابق فلپائن کے جزیرے منداناؤ میں 7.5 شدت کے زلزلے نے خوف و ہراس پھیلا دیا، لوگ گھروں سے باہر نکل آئے، زلزلے کے بعد فلپائن اور جاپان کے ساحلی علاقوں میں سونامی کی وارننگ جاری کر دی گئی۔

’افغانستان میں 5.2 شدت کا زلزلہ‘

جاپانی محکمہ موسمیات نے جاپان کے مغربی ساحلی علاقے میں سونامی کے زیر اثر لہریں ایک میٹر تک بلند ہونے کا خدشہ ظاہر کیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/r9xG5HU