شوہر نے بلّے کے وار سے بیوی اور بچوں کو قتل کر دیا

بھارت کی ریاست مہاراشٹر میں شوہر نے بلّے سے مار مار کر بیوی اور دو کمسن بچوں کو موت کے گھاٹ اتار دیا۔

میڈیا رپورٹس کے مطابق افسوس ناک واقعہ شہر تھانے میں پیش آیا۔ ملزم کی شناخت امیہ بگدی کے نام سے ہوئی جس نے کرکٹ بیٹ سے بیوی اور معصوم بچوں کی جان لی۔

پولیس کے مطابق ملزم بے روزگار ہے اور نشے کا عادی ہے، بیوی اور بچوں کو قتل کرنے کے بعد وہ فرار ہوگیا جس کی تلاش کیلیے چھاپے مارے جا رہے ہیں، مقتولہ کی عمر 24 جبکہ بچوں کی عمریں 8 اور 6 سال ہیں۔

واقعے کی اطلاع ملتے ہی پولیس موقع پر پہنچی تو ماں اور بچوں کی لاشوں کو خون میں لت پت پایا، لاشوں کو فوری اسپتال منتقل کیا گیا۔

پولیس نے کرکٹ بیٹ برآمد کر لیا جس سے ملزم نے قتل کیا، امیہ بگدی کے خلاف مقدمہ درج کر لیا گیا۔

بھارت میں اس طرح کے جرائم روزانہ کی بنیاد پر پیش آتے ہیں۔ گزشتہ روز ریاست اتر پردیش میں سفاک شوہر نے جہیز کے معاملے پر بیوی کی ناک کو دانتوں سے کاٹ کر الگ کر دیا تھا۔

افسوس ناک واقعہ مہیش پور میں پیش آیا تھا جہاں 22 سالہ لڑکی کے شوہر نے اس پر سفاکانہ تشدد کیا اور لہو لہان کر دیا تھا۔

متاثرہ لڑکی نے سی بی گنج پولیس اسٹیشن پہنچ کر شوہر اور سسرال والوں کے خلاف شکایت درج کروائی تھی۔ ایڈیشنل سپرنٹنڈنٹ آف پولیس راہول بھٹی نے اپنے بیان میں بتایا تھا کہ ملزمان متاثرہ لڑکی سے بھاری جہیز کا مطالبہ کرتے تھے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/SkjtQnq