ایران نے سعودی عرب سمیت کئی ممالک کیلیے ویزا شرط ختم کردی

ایران نے سعودی عرب اور خلیجی ریاستوں سمیت 33 ممالک کے لیے ویزا کی شرائط ختم کرنے کا اعلان کر دیا۔

ویزا گائیڈ ڈاٹ ورلڈ کی رپورٹ کے مطابق ایرانی اسٹوڈنٹس نیوز ایجنسی (ISNA) نے نشاندہی کی کہ ویزا چھوٹ کے فیصلے سے اس فہرست کو 45 ممالک یا خطوں تک پھیلایا جائے گا جن کے شہری اب بغیر ویزا کے ایران کا سفر کر سکتے ہیں۔

مارچ میں ایران اور سعودی عرب نے چین کی ثالثی سے سفارتی تعلقات بحال کرنے کے لیے ایک معاہدہ طے کیا تھا، جو 2016 میں منقطع ہو گئے تھے۔ اس سفارتی حل کے حصے کے طور پر سعودی عرب، متحدہ عرب امارات، قطر، اور بحرین کے شہری، دیگر چیزوں کے علاوہ، اب ویزا کی شرائط ختم ہونے سے فائدہ اٹھائیں گے۔

لبنان، تیونسپول، انڈیا، وسطی ایشیائی، افریقی ممالک اور کروشیا جو کہ ایک جونیئر یورپی یونین اور نیٹو کا رکن ہے، ویزا کی چھوٹ میں شامل واحد مغربی اتحادی یورپی یونین کے طور پر سامنے آیا ہے۔

ایرانی زائرین کی پہلی پرواز عمرے کیلئے کب روانہ ہوگی؟ فیصلہ ہوگیا

جہاں تک روسیوں کا تعلق ہے وہ صرف اس صورت میں ویزے کی چھوٹ سے فائدہ اٹھائیں گے جب وہ گروپس کی شکل میں ایران کا سفر کریں گے۔ عمانی شہریوں نے اس حالیہ اعلان سے پہلے ایران کا ویزہ فری سفر کا لطف اٹھایا ہے۔

ایک اہم پیشرفت میں، ایرانی عازمین 19 دسمبر سے سعودی عرب کا باقاعدہ سفر شروع کرنے والے ہیں جو آٹھ سالوں میں پہلی بار دونوں ممالک کے درمیان اس طرح کے معمول کے حج کے لیے جمع ہو رہے ہیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/I3fsxpe