سوفٹ ویئر انجینئر نے محبوب کی بے اعتنائی پر اپنی زندگی کا خاتمہ کرلیا

محبوب کی جانب سے دھوکہ دینے کے بعد سوفٹ ویئر انجینئر نے پھندا لگا کر اپنی زندگی کا خاتمہ کرلیا۔

بھارتی ریاست گجرات میں ایک افسوسناک واقعہ پیش آیا ہے جس میں 35 سالہ سوفٹ ویئر انجینئر خاتون نے محبوب کی جانب سے دھوکہ دینے پر خودکشی کا انتہائی قدم اٹھالیا۔ غیرشادی شدہ خاتون کی لاش اس کے اپارٹمنٹ میں پائی گئی۔ امکان ہے خاتون نے پھندا لگا کر اپنی جان لی۔

عطاپور پولیس نے اس حوالے سے بتایا کہ آدیتی بھردواج نامی خاتون کو ان کا محبوب دھوکہ دے رہا تھا جس کے ساتھ اس کا پرانا تعلق تھا۔

انسپکٹر پولی یاداگری نے انکشاف کیا کہ آدیتی کئی سالوں سے اپنے دوست کے ساتھ رشتے میں تھی تاہم اس کے دغا دینے پر وہ جذباتی طور پر ٹوٹ پھوٹ کا شکار تھی۔

خاتون نے سوشل سرگرمیوں میں حصہ لینا ترک کردیا تھا، وہ اپنے ہاسٹل کی ساتھیوں سے ملنے جلنے اور ساتھ کھانا کھانے سے بھی کافی عرصے سے گریز کررہی تھی۔

پولیس انسپکٹر نے بتایا کہ ہم ملزم کو پکڑنے کے لیے تکنیکی شواہد پر کام کررہے ہیں۔ اس حوالے سے تحقیقات جاری ہیں اور ملزم کو انصاف کے کٹہرے میں لیا جائے گا۔

اپارٹمنٹ کا دروازہ توڑ کر بھارتی خاتون کی لاش نکالی گئی تھی جسے پوسٹمارٹم کے لیے عثمانیہ جنرل اسپتال بھیج دیا گیا ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/PmTrWDi