دبئی : ڈرائیونگ ٹیسٹ دینا اب نہایت آسان

یو اے ای : دبئی میں ڈرائیونگ لائسنس کا ٹیسٹ دینے والوں کیلئے ایک نئی سہولت متعارف کرادی گئی ہے جس کی مدد سے صارف کو بہت آسانی میسر ہوگی۔

روڈ ٹرانسپورٹ اتھارٹی (آر ٹی اے) دُبئی کی جانب سے جاری کئے جانے والے ایک بیان میں کہا گیا ہے کہ اب ڈرائیونگ ٹیسٹ دینے کیلئے واٹس ایپ کے ذریعے اپائنٹمنٹ حاصل کی جا سکتی ہے۔

آر ٹی اے ٹیسٹ کے حوالے سے رپورٹ کے مطابق ٹیسٹ کیلئے اپائنٹمنٹ کی سہولت انگلش اور عربی دونوں زبانوں میں فراہم کی گئی ہے۔

اتھارٹی کی جانب سے واٹس ایپ پیغام کے لیےایک نمبربھی جاری کیا گیا ہے۔ یہ سروس دبئی روڈ ٹرانسپورٹ اتھارٹی کے خصوصی نمبر پر ’محبوب چیٹ بوٹ‘ پردستیاب ہے۔

#RTA in Dubai has recently introduced a new service enabling individuals to book and reschedule driving test appointments via WhatsApp. The service is available through the RTA’s ‘Mahboub Chatbot’ at (0588009090). This initiative aligns with RTA’s strategy of providing services… pic.twitter.com/YZyNRxutar

— RTA (@rta_dubai) January 5, 2024

روڈ ٹرانسپورٹ اتھارٹی نے خواہمشندوں کو یہ نوید بھی سنائی ہے کہ ڈرائیونگ ٹیسٹ دینے والے افراد اپائنٹمنٹ حاصل کرنے کے علاوہ اسے ری شیڈول بھی کرسکتے ہیں۔

آرٹی اے کارپوریٹ ٹینکیکل سپورٹ سروس سیکٹر میں اسمارٹ سروسز ڈیپارٹمنٹ کی ڈائریکٹر کا کہنا ہے کہ واٹس اپ کے ذریعے اپائنٹمنٹ کیلئے صارف کا موبائل فون نمبر اور رجسٹرڈ معلومات پہلے سے تصدیق شدہ ہوتی ہیں اس لیے اسے ہماری ویب سائٹ پر جانے کی ضرورت نہیں ہوتی۔

یہ سہولت اتھارٹی کی مختلف ڈیجیٹل پلیٹ فارم کے ذریعے خدمات کی فراہمی کی حکمت عملی کے تحت ہے جس کا مقصد اس بات کو یقینی بناتا ہے کہ صارفین تیزتر محفوظ طریقے سے خدمات تک رسائی حاصل کرسکیں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/4BJnUxL