بانی پی ٹی آئی کو سزا، امریکا کا مَوقِف سامنے آگیا

واشنگٹن: ترجمان امریکی محکمہ خارجہ میتھیوملر کا پریس بریفنگ کے دوران کہنا تھا کہ بانی پی ٹی آئی کی سزا پاکستانی عدالتوں کا معاملہ ہے۔

ترجمان امریکی محکمہ خارجہ میتھیوملر نے کہا کہ سابق وزیراعظم کیخلاف کیسز کو دیکھ رہے ہیں یہ قانونی معاملہ ہے، جمہوری اصولوں، قانون کی حکمرانی کے احترام کامطالبہ کرتے رہتے ہیں۔

ترجمان کا کہنا تھا کہ دنیا بھر کی طرح پاکستان میں انسانی حقوق کے احترام کامطالبہ کرتے رہتے ہیں، سابق وزیراعظم کیخلاف مقدمہ چلناایک قانونی معاملہ ہے۔

ترجمان امریکی محکمہ خارجہ نے کہا کہ قانونی معاملے پر پاکستانی عدالتوں سے رجوع کریں، ایساجمہوری عمل چاہتے ہیں جس میں تمام فریقین کی وسیع پیمانے پر شرکت ہو۔

انہوں نے کہا کہ ایسا جمہوری عمل چاہتے ہیں جہاں جمہوری اصولوں کا احترام ہو، پاکستان کے اندرونی معاملات، امیدواروں سے متعلق کوئی پوزیشن نہیں لیتے۔

ترجمان امریکی محکمہ خارجہ نے کہا کہ ہم ایک آزاد، منصفانہ اور کھلا جمہوری عمل دیکھنا چاہتے ہیں، قانونی معاملات کافیصلہ پاکستانی عدالتوں کو کرنا ہے۔

کسی کو سزا ہو تو دکھ ہوتا ہے لیکن یہ کام ہونا نہیں چاہیے تھا، جہانگیر ترین

میتھیوملرنے کہا کہ امریکا پاکستان میں صاف اورشفاف الیکشن دیکھنا چاہتا ہے، پاکستان میں الیکشن کا عمل مانیٹر کریں گے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/cFnl62X