چین کے اسرائیل مخالف مؤقف پر حماس نے کیا کہا ؟

حماس نے عالمی عدالت انصاف میں چین کے اسرائیل مخالف مؤقف کو سراہا ہے۔

غیر ملکی ذرائع ابلاغ کے مطابق حماس ترجمان کا کہنا تھا کہ فلسطینیوں کے حق خودارادیت پر زور دینے والے چین کے بیان کو قدر کی نگاہ سے دیکھتے ہیں۔

حماس کا اپنے بیان میں کہنا تھا کہ اسرائیلی مظالم کے خلاف عالمی عدالت میں آواز اٹھانے والے تمام ممالک کے بیانات کی قدر کرتے ہیں۔

واضح رہے کہ چین نے آئی سی جے سے کہا ہے کہ عدالت کو فلسطینیوں کے ساتھ انصاف سے انکار نہیں کرنا چاہیے۔

چین نے بین الاقوامی عدالت انصاف (آئی سی جے) سے کہا ہے کہ فلسطینی علاقوں پر اسرائیلی قبضے سے متعلق سماعت کے دوران فلسطینیوں کو انصاف سے محروم نہیں کرنا چاہیے۔

چین کی وزارت خارجہ کے قانونی مشیر ما زنمن نے جمعرات کو نیدرلینڈز کے دی ہیگ میں عدالت کو بتایا کہ ”انصاف میں کافی تاخیر ہوئی ہے لیکن اس سے انکار نہیں کیا جانا چاہیے۔

اسرائیل کا فلسطینیوں پر تشدد کو حقِ دفاع کہنا قابل قبول نہیں، روس

ان کا کہنا تھا کہ اسرائیل کو او پی ٹی (مقبوضہ فلسطینی علاقوں) پر اپنا قبضہ شروع کیے 57 سال گزر چکے ہیں اور مقبوضہ علاقوں پر قبضے اور خودمختاری کی غیر قانونی نوعیت بدستور برقرار ہے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/xoHMcFR