پی آئی اے کی پرواز عمرہ زائرین کو چھوڑ کر روانہ

باکمال لوگوں کی لاجواب سروس، پی آئی اے نے عمرہ زائرین کو بھی نہیں بخشا۔

قومی ایئرلائن عمرہ زائرین کو چھوڑ کر روانہ ہو گئی۔ کراچی سے جدہ جانے والی پی آئی اے کی پرواز پی کے 731 میں اووربکنگ کے باعث عمرہ زائرین حجازِ مقدس روانہ نہ ہو سکے۔

پرواز اووربکنگ کی وجہ سے ایک درجن سے زائد عمرہ زائرین کو چھوڑ کر روانہ ہو گئی۔ پرواز نہ ملنے پر عمرہ زائرین ایئرپورٹ پر ہی رلُ گئے۔

عملے کی جانب سے غیرذمہ داری کا مظاہرہ کرنے پر متاثرین نے پی آئی اے کے خلاف احتجاج کیا اور جلدازجلد دوسری پرواز سے جدہ روانگی کے انتظامات کرنے کا مطالبہ کیا۔

دوسری جانب قومی ایئرلائن نے معاملے پر فی الحال کوئی ردعمل نہیں دیا۔

from ARY News Urdu- International- عالمی خبریں https://ift.tt/X6FG2zt