بڑھتی کشیدگی کے دوران امریکی وزیرخارجہ چین پہنچ گئے

تائیوان پر بڑھتی ہوئی کشیدگی کے دوران امریکی اعلیٰ سفارت کار بلنکن نے چین کا دورہ کیا ہے۔

سینیٹ سے غیرملکی امدادی پیکج کی منظوری کے بعد یوکرین، اسرائیل اور تائیوان کو امریکا اربوں ڈالر کی امداد فراہم کرے گا۔

ایک جانب امریکی صدر جوبائیڈن نے امدادی پیکج کے بل پر دستخط کیے تو دوسری جانب بڑھتی کشیدگی کو کم کرنے کے لیے امریکی وزیر خارجہ انٹونی بلنکن تین روزہ دورے پر چین پہنچ گئے ہیں۔

بلنکن بدھ کو شنگھائی پہنچے ہیں اور توقع ہے کہ وہ جمعہ کو بیجنگ جانے سے قبل اپنے ہم منصب وزیر خارجہ وانگ یی کے ساتھ بات چیت کے لیے شہر کے کاروباری رہنماؤں سے ملاقات کریں گے اور صدر شی جن پنگ کے ساتھ ممکنہ ملاقات بھی کریں گے۔

بیجنگ اور واشنگٹن نے کہا ہے کہ یہ دورہ بات چیت کو مضبوط بنانے اور اپنے دو طرفہ تعلقات کو مستحکم کرنے کے بارے میں ہے۔

یہ دورہ امریکی سینیٹ کی جانب سے ایک بڑے غیر ملکی امدادی پیکج کے حق میں ووٹ دینے کے چند گھنٹے بعد اور صدر جو بائیڈن کی جانب سے قانون پر دستخط کرنے سے کچھ ہی دیر پہلے شروع ہوا ہے۔

from ARY News Urdu- International- عالمی خبریں https://ift.tt/opMce7G