حماس نے غزہ جنگ بندی کی تجویز قبول کر لی

حماس نے غزہ جنگ بندی کی تجویز قبول کر تے ہوئے مصری اور قطری ثالثوں کو آگاہ کر دیا ہے۔

حماس کے سیاسی بیورو کے سربراہ اسماعیل ہنیہ نے قطری وزیر اعظم شیخ محمد بن عبدالرحمن الثانی اور مصری وزیر انٹیلی جنس عباس کامل کے ساتھ فون پر بات کی اور انہیں آگاہ کیا کہ حماس تحریک کی جانب سے جنگ بندی کے معاہدے کے حوالے سے ان کی تجویز کی منظوری دی گئی ہے۔

حماس نے بیان میں کہا ہے کہ گیند اب اسرائیل کےکورٹ میں ہے جب کہ اسرائیلی حکومت کی جانب سےابھی تک کوئی ردعمل سامنےنہیں آیا۔

اسرائیلی چینل 12 رپورٹ کر رہا ہے کہ اسرائیلی مذاکراتی ٹیم کے پاس ثالثوں سے حماس کا ردعمل موصول ہوا ہے اور وہ اس کا مطالعہ کر رہے ہیں جس کا باضابطہ جواب جاری کیا جائے گا۔

from ARY News Urdu- International- عالمی خبریں https://ift.tt/pwiKZ49