پاکستانیوں سمیت عازمینِ حج کی سعودی عرب میں آمد کا سلسلہ جاری

ریاض: مدینہ منورہ میں پاکستانی عازمین حج کی آمد کا سلسلہ جاری ہے، پاکستانی سفیر احمدفاروق، ڈی جی حج عبدالوہاب سومرو نے عازمین حج کا پرتپاک استقبال کیا۔

اے آر وائی نیوز کے مطابق مدینہ منورہ پہنچنے پر سرکاری عازمین حج کو تحائف اور پھول پیش کئے گئے۔

پاکستانی سفیر احمد فاروق کا اس حوالے سے کہنا تھا کہ عازمین حج کیلئے بہترین انتظامات کرنے پر سعودی حکومت کے شکر گزار ہیں، انہوں نے کہا کہ عازمین حج بہترین نظم وضبط کے ذریعے ملکی وقار میں اضافہ کریں۔

ڈی جی حج عبدالوہاب کے مطابق سرکاری حج اسکیم کے تمام عازمین کو مدینہ مرکزیہ میں ٹھہرایا جائیگا،پاک حج ایپ کے ذریعے عازمین حج سے سہولیات سے متعلق فیڈ بیک لیا جائیگا۔

ڈی جی حج نے کہا کہ پاکستان سے مدینہ منورہ کیلئے حج فلائٹ آپریشن کامیابی سے جاری ہے، عازمین حج کی سہولت کیلئے وزارت نے متعدد شعبہ جات قائم کیے ہیں۔

کراچی سے حج آپریشن کا آغاز، پہلی دو پروازیں مدینہ روانہ

ڈی جی حج عبد الوہاب کا مزید کہنا تھا کہ عازمین رہنمائی کیلئے بلڈنگ معاون یاپاک حج موبائل ایپ سے رجوع کریں۔

from ARY News Urdu- International- عالمی خبریں https://ift.tt/7f91znh