مناسک حج کی ادائیگی کا آج آخری روز، رمی کا سلسلہ جاری

مناسک حج کی ادائیگی کا آج آخری روز ہے اور حجاج کرام بڑے، درمیانے اور چھوٹے شیطان کو کنکریاں مار رہے ہیں۔

حج 2024 آج اختتام پذیر ہو جائے گا۔ پانچ روزہ مناسک حج کا آج آخری دن ہے اور حجاج کرام جمرات میں رمی میں مصروف ہیں۔ حجاج تیسرے روز بھی بڑے، درمیانے اور چھوٹے شیطان کو کنکریاں مار رہے ہیں۔

رمی سے فراغت کے بعد حجاج مسجد الحرام کا رخ کر رہے ہیں جہاں وہ بڑی تعداد میں طواف زیارت میں مصروف ہیں۔

رواں سال سعودی وزارت حج وعمرہ کے مطابق دنیا بھر سے 18 لاکھ سے زائد افراد نے حج کا فریضہ ادا کیا۔ حج ایام کے دوران شدید گرمی اور ہیٹ اسٹروک کے باعث 19 عازمین حج زندگی کی بازی بھی ہار گئے۔

حج کا اختتام ہونے کے بعد پاکستانی حجاج کی وطن واپسی کا سلسلہ جمعرات 20 جون سے شروع ہو جائے گا اور قومی ایئر لائن کی پہلی پرواز 20 جون کو حجاج کے قافلے کو لے کر وطن واپس پہنچے گی۔

from ARY News Urdu- International- عالمی خبریں https://ift.tt/NbW5Oou