سعودی عرب: حج کے ایام میں خطبہ جمعہ اور نماز مختصر کرنے کی ہدایت

سعودی عرب میں دنیا بھر سے عازمین حج کی آمد کا سلسلہ جاری ہے، ایسے میں شیخ ڈاکٹر عبدالرحمن السدیس نے حرمین شریفین کے اماموں کو ہدایت کی ہے کہ گرم موسم کی وجہ سے حرمین میں حج سیزن کے دوران خطبہ جمعہ اور نماز کو مختصر کیا جائے۔

سعودی خبر رساں ادارے عکاظ اخبار کی رپورٹ کے مطابق شیخ ڈاکٹر عبدالرحمن السدیس نے آئمہ حرمین کو مزید ہدایت کی کہ حرمین شریفین میں حج سیزن کے باعث لاکھوں فرزندان اسلام پہنچ چکے ہیں۔

ایسے میں نماز جمعہ کے لیے حرمین کے صحنوں اورچھت پرجگہ ملتی ہے جبکہ ان دنوں موسم شدید گرم ہے، جس کے باعث عازمین حج کو مشکلات کا سامنا پڑتا ہے۔ لہٰذا انسانی جانوں کی حفاظت کی خاطر اس اقدام پرعمل کریں۔

شیخ السدیس نے مزید کہا کہ ’جمعہ کا طویل خطبہ دینے سے اس بات کا امکان ہوتا ہے کہ لوگ ان باتوں کو یاد نہ رکھ سکیں جنہیں خطبے میں بیان کیا گیا ہو جبکہ خطبہ مختصر ہونے کی صورت میں اسے یاد رکھنا آسان ہوتا ہے۔

اس سے قبل ڈاکٹر السدیس نے حرمین شریفین کے اماموں کو ہدایت کی تھی کہ ’وہ حج موسم کے دوران اذان اور اقامت کے درمیان کے وقفے کو کم کریں اور نماز جلد ختم کرنے کا اہتمام کریں تاکہ عمرہ زائرین کو کسی قسم کی کوئی مشکل پیش نہ آئے۔

حجاج کو گرمی سے بچانے کے لیے سعودی حکومت کا بڑا اقدام

واضح رہے کہ سعودی عرب میں سپریم کورٹ نے ذی الحج کا چاند نظر آنے کا اعلان کردیا ہے۔ سعودی سپریم کورٹ کا کہنا ہے کہ وقوف عرفہ 15 جون جبکہ عید الاضحیٰ 16 جون کو ہوگی۔

from ARY News Urdu- International- عالمی خبریں https://ift.tt/LsY14gC