پیرس اولمپکس : بلی سائز کے چوہوں نے خوف و ہراس پھیلا دیا

پیرس : سال 2024کے پیرس اولمپکس کے کھلاڑیوں اور شرکاء پر چوہوں کے حملوں کے مناظر گزشتہ چند دنوں سے معمول بن گئے ہیں جس کے باعث دنیا بھر سے آنے والے مہمان خوف میں مبتلا ہوگئے۔

اس حوالے اے عینی شاہدین کا کہنا ہے کہ پیرس کے چوہے بہت بڑے تھے اور ان کا سائز بلیوں جتنا تھا، فرانسیسی دارالحکومت پیرس میں ہفتے کے آخر میں ہونے والی موسلادھار بارش کے باعث چوہے اپنی چھپنے کی جگہوں سے نکل کر گلیوں میں پھیل گئے اور ریسٹورنٹس اور شراب خانوں میں ان کا دکھائی دینا معمول بن گیا۔

اولمپک ایونٹ کے موقع پر پیرس کے چوہے دیکھ کر بہت سے لوگوں میں دہشت پھیل گئی ہے۔ مشہور برطانوی اخبار ””ڈیلی اسٹار““ کے صحافی پر ایک چوہے نے اس وقت حملہ کر دیا جب وہ پیرس کے نواحی علاقے میں ایک ریسٹورنٹ میں کھانا کھا رہے تھے۔

صحافی نے بتایا کہ پیرس کے چوہے نے ہم پر اس وقت حملہ کر دیا جب ہم لنچ کر رہے تھے۔ جس سے پیرس آنے والوں میں خوف پھیل گیا۔ تاہم اس دوران پیرس کے باشندے اس معاملے سے معمول کے مطابق نمٹتے رہے۔

پیرس اولمپکس دیکھنے کے لیے آنے والے شائقین میں سے ایک نے بتایا کہ ایک چوہے نے ان پر اس وقت حملہ کیا جب وہ ایک بار میں تھے، ماہرین نے نشاندہی کی ہے کہ چوہوں کے فضلات کے نتیجے میں طبی خطرات ایک بیماری کا باعث بنتے ہیں جس کے نتیجے میں جگر اور گردے کو نقصان پہنچ سکتا ہے۔

ایک رپورٹ کے مطابق فرانس کے دارالحکومت پیرس میں تقریباً 40 لاکھ چوہے بستے ہیں جو اس کی کل آبادی سے دوگنا ہے۔

from ARY News Urdu- International- عالمی خبریں https://ift.tt/GK1AhIl