بائیڈن کی حامیوں سے کاملا ہیرس کی مکمل حمایت کی اپیل

امریکی صدر جوبائیڈن کی جانب سے اپنے حامیوں سے کاملا ہیرس کی مکمل حمایت کی اپیل کی گئی ہے۔

غیر ملکی ذرائع ابلاغ کے مطابق ڈیلاوئیر میں انتخابی مہم کیلئے قائم ہیڈ کواٹرز بھی کاملا ہیرس کے حوالے کردیا گیا۔

کاملاہیرس نے الیکشن ہیڈکواٹرز سے پہلے خطاب میں ٹرمپ کو شدید تنقید کا نشانہ بنایا، انہوں نے ٹرمپ کو درندہ صفت اور دھوکے باز سے تشبیہ دی۔

کاملا ہیرس نے کہا کہ ماضی میں بطور پراسیکیوٹر مجرموں کو کیفر کردار تک پہنچایا ہے، ٹرمپ کسی جرم میں سزا پانے والے پہلے صدارتی امیدار ہیں۔

امریکی میڈیا کا کہنا ہے کہ ایک ہزار ڈیموکریٹ مندوبین نے ہیرس کی حمایت کا اعلان کردیا ہے۔

دوسری جانب سابق امریکی صدر ڈونلڈ ٹرمپ پر حملہ سیکیورٹی ناکامی تھی، امریکی سیکرٹ سروس ڈائریکٹر نے ذمے داری قبول کرلی۔

ایوان نمائندگان کی کمیٹی نے کمبرلی چیٹل سے تندوتیز سوالات کیے۔ چیٹل نے تسلیم کیا ڈونلڈ ٹرمپ پر قاتلانہ حملہ سیکورٹی ناکامی ہے۔

سی آئی اے امریکی سیکرٹ سروس کی ڈائریکٹر نے ذمہ داری قبول کرتے ہوئے کہا کہ 13جولائی کوہم اہم رہنما کی حفاظت میں ناکام رہے، ڈائریکٹرسیکرٹ سروس ایجنسی کی کسی بھی کوتاہی کی پوری ذمہ داری لیتی ہوں۔

from ARY News Urdu- International- عالمی خبریں https://ift.tt/HBfyZTu