غیرت کے نام پر 6 بیٹیوں کی ماں کا لرزہ خیز قتل

حیدرآباد : شوہر نے غیرت کے نام پر چھریوں کے وار کرکے بیوی کو قتل کردیا اور لاش لے کر اسپتال پہنچ گیا، مقتولہ ایک سیاسی رہنما کے گھر ملازمہ تھی، پولیس نے ملزم کو گرفتار کرلیا۔

بھارتی ریاست حیدرآباد میں شوہر کے ہاتھوں بیوی کے قتل کی لرزہ خیز واردات نے خوف و ہراس پھیلا دیا، ملزم مردہ بیوی کو لے کر اسپتال پہنچا اور غلط بیانی سے کام لیتے ہوئے کہا کہ یہ کچرا کنڈی سے زخمی حالت میں ملی ہے۔

بھارتی میڈیا رپورٹ کے مطابق پولیس کا کہنا ہے کہ ملزم حسن اپنی بیوی اسماء کے کردار پر شک کرتا تھا اور اسی بنیاد پر حسن نے اس کو موت کے گھاٹ اتار دیا، دونوں میاں بیوی اپنی چھ بچیوں کے ساتھ لکشمی نگر میں رہائش پذیر تھے۔

హైదరాబాద్ కాంగ్రెస్ నేత ఫిరోజ్ ఖాన్ ఇంట్లో పని చేసే మహిళ హత్య

అనుమానంతో మహిళను చంపి మృతదేహాన్ని ఆస్పత్రికి తీసుకెళ్లిన భర్త

హైదరాబాద్ – ఆసిఫ్ నగర్ ప్రాంతంలో ఉండే మహమ్మద్ హసన్ అనుమానంతో తన భార్య అస్మా బేగంను కత్తితో పొడిచి చంపాడు.

ఆ తర్వాత ఆమె మృతదేహాన్ని ఉస్మానియా ఆస్పత్రికి… pic.twitter.com/KXmHZRtL54

— Telugu Scribe (@TeluguScribe) August 10, 2024

پولیس کے مطابق ملزم حسن کے اسپتال میں دیئے گئے بیان پر ڈیوٹی پر موجود اہلکار کو شک ہوا اور مزید سختی سے پوچھ گچھ کی گئی تو ملزم  نے بیوی قتل کرنے کا اعتراف جرم کرلیا۔

پولیس کا کہنا ہے کہ لکشمی نگر کی رہائشی 38 سالہ اسماء بیگم کانگریس رہنما فیروز خان كے گھر میں ملازمہ تھی، واقعہ کی اطلاع ملتے ہی فیروز خان بھی اسپتال پہنچ گئے اور صورتحال معلوم کی۔

مقتولہ اسماء بیگم کی شادی 10 سال قبل محمد حسن سے ہوئی تھی، ان کی 6 بیٹیاں ہیں۔ ملزم حسن کو گرفتار کرکے اس کے قبضے سے آلہ قتل بھی برآمد کرلیا گیا ہے۔

from ARY News Urdu- International- عالمی خبریں https://ift.tt/oy8DiRp