’روس کی جاسوس وہیل کو گولی مار کر ہلاک کیا گیا‘

جانوروں کے حقوق کے گروپ نے کہا ہے کہ روس کی جاسوس وہیل کو بندوں کی گولیاں مار کر ہلاک کیا گیا ہے۔

گروپ کا کہنا ہے کہ بندوق کی گولی سے ایک بیلوگا وہیل ہلاک ہوئی جو ناروے میں اس وقت شہرت حاصل کر گئی جب اس کے غیرمعمولی استعمال سے یہ شبہ پیدا ہوا کہ اس مخلوق کو روس نے بطور جاسوس تربیت دی تھی۔

NOAH اور OneWhale نامی تنظیموں نے کہا کہ انہوں نے ناروے کی پولیس میں شکایت درج کرائی ہے جس میں کہا گیا ہے کہ وہ جانور کی موت کی مجرمانہ تحقیقات شروع کریں۔

مذکورہ تنظیموں کا کہنا ہے کہ ثبوتوں کی بنیاد پر کہا جا سکتا ہے کہ وہیل کو گولی لگنے سے ہلاک کیا گیا تھا۔

ایک انسٹاگرام پوسٹ میں، OneWhale – جس کا مشن "ایک وہیل، Hvaldimir کی حفاظت کرنا ہے نے کہا کہ متعدد جانوروں کے ڈاکٹروں، ماہرین حیاتیات، اور بیلسٹکس کے ماہرین نے Hvaldimir کے زخموں کے شواہد کا جائزہ لیا ہے، جس میں تعین کیا گیا ہے کہ وہیل کی موت ایک مجرمانہ فعل کا نتیجہ تھی۔

غیر ملکی میڈیا کے مطابق 14 فٹ لمبی وہیل جس کو ہوالدمیر کا نام دیا گیا تھا اور پانچ برس قبل ناروے کے پانیوں میں دریافت ہوئی تھی، اس پر روس کے لیے جاسوسی کرنے کا شبہ ظاہر کیا گیا تھا۔

غیر ملکی میڈیا کے مطابق مذکورہ وہیل مچھلی جنوب مغربی علاقے ریساویکا کے قریب مردہ حالت میں پائی گئی جس کو معائنے کے لیے قریبی بندرگاہ منتقل کر دیا گیا تھا۔

رپورٹ کے مطابق میرین مائنڈ کے بانی سیباسچیئن اسٹرینڈ نے کہا کہ موت کی وجہ معلوم نہیں ہو سکی جب کہ ہوالدیمیر کی جسم پر کوئی واضح زخم بھی نہیں ملا۔ اس کی عمر 14 اور 15 برس کے درمیان تھی جب کہ اس کی اوسط عمر 40 سے 60 تک ہوتی ہے۔

انہوں نے بتایا کہ اس کی باقیات کو ایک ٹھنڈی جگہ پر رکھنے میں کامیاب ہو گئے ہیں اور ویٹرنری انسٹی ٹیوٹ کی جانب سے اس کی باڈی کا معائنہ کیا جائے گا۔

واضح رہے کہ اس کو پہلی مرتبہ 2019 میں ناورے کے اِنگویا جزیرے کے قریب دیکھا گیا تھا۔ اس علاقے میں بیلوگا نسل کی وہیل شاذ ونادر ہی نظر آتی ہیں۔

یہ علاقہ روس کے شہر مرمانسک سے تقریباً 415 کلومیٹر پر واقع ہے اور وہاں روس کا بحری بیڑا موجود ہے۔ اسی لیے سفید وہیل کے دریافت ہونے کے بعد حکام نے کہا تھا کہ یہ جاسوس وہیل ہے جو روس کے لیے جاسوسی کرتی ہے اور اسی خدشے کے پیش نظر غیرسرکاری ادارے میرین مائنڈ نے برسوں سے اس کی نقل و حرکت پر نظر رکھی ہوئی تھی۔

نارویجیئن حکام کا کہنا تھا کہ ممکن ہے کہ ہوالدیمیر شاید بھاگ نکلنے میں کامیاب ہوئی ہو اور اسے روسی بحریہ نے تربیت دی ہو، کیونکہ وہ انسانوں سے مانوس لگتی ہے۔

from ARY News Urdu- International- عالمی خبریں https://ift.tt/L3ykVnE