عرب ممالک اسرائیل سے تعلقات ختم کریں، حماس

حماس کے عہدیدار عبدالرحمان نے عرب ممالک پر زور دیا ہے کہ وہ غزہ پر اسرائیلی جارحیت کو روکنے کے لیے ہر ممکن کوشش کریں۔

اپنے بیان میں انہوں نے کہا کہ عرب ممالک کو اسرائیل سے تعلقات ختم کرنے چاہئیں اور اسرائیلی جارحیت روکنے کیلئے جو ممکن کوشش ہو سکے وہ کرنی چاہیے۔

عرب سربراہی اجلاس کا مشترکہ اعلامیہ جاری، اہم مطالبات

عہدیدار نے کہا کہ عرب ممالک جو اسرائیل کیساتھ تعلقات رکھتے ہیں فوری توڑ دیں عرب ممالک فلسطینی کاز کے ساتھ جڑیں اور ہمارے ساتھ کھڑے ہوں، اسرائیلی وزرا کے بیانات ثابت کرتے ہیں فلسطین کاز کو ختم کرنے کا منصوبہ ہے اسرائیل امریکا کی حمایت سے فلسطین کاز کو ختم کرنے کے منصوبے پر کام کر رہا ہے۔

ان کا کہنا تھا کہ اسرائیل کا ہدف فلسطینیوں کے وجود اور شناخت کو ختم کرنا ہے اسرائیل کاہدف مقبوضہ مغربی کنارے پر مکمل کنٹرول حاصل کرنا ہے مغربی کنارے میں جو کچھ ہو رہا ہے وہ ایک خطرناک منصوبہ ہے تمام فلسطینیوں کو اپنے مقصد اور سرزمین کا دفاع کرنا چاہیے فلسطینی عوام کےپاس واحد آپشن حق کادفاع اور مزاحمت ہے۔

from ARY News Urdu- International- عالمی خبریں https://ift.tt/89dayfE