ویڈیو : انسان نما روبوٹ کے پہلے فن پارے کی حیرت انگیز نیلامی

معروف ریاضی دان ایلن ٹورنگ کا ایک پورٹریٹ جو دنیا کے سب سے ترقی یافتہ روبوٹ میں سے ایک، ای-ڈا، نے بنایا، نیویارک میں جمعرات کو $1.08 ملین (566,000 پاؤنڈ، 1.63 ملین آسٹریلین ڈالر) میں نیلام ہوا۔

غیر ملکی خبر رساں ادارے کی رپورٹ کے مطابق 2.2میٹر (7.5 فٹ) کی یہ پورٹریٹ جس کا عنوان ”اے آئی گاڈ۔ پورٹریٹ آف ایلن ٹیورنگ“ہے‘جو توقعات سے کہیں زیادہ قیمت پر فروخت ہوا۔

یہ پورٹریٹ اے آئی، ڈی اے نے بنائی ہے جو دنیا کی پہلی انتہائی حقیقت پسند روبوٹ آرٹسٹ ہے، یہ ایک ایک انسان نما روبوٹ ہے جس نے ایک انگریز ریاضی دان ایلن ٹیورنگ کا ایک پورٹریٹ بنایا۔

یاد رہے کہ یہ کسی بھی روبوٹ کا بنایا ہوا پہلا آرٹ ورک ہے، یہ تصویر جمعرات کو نیویارک میں 1.08 ملین ڈالر 300,078,000پاکستانی روپوں میں فروخت ہوئی ہے۔

دنیا کے سب سے جدید روبوٹوں میں سے ایک، ای-ڈا کو ایک خاتون سے مشابہت کی طرز ڈیزائن کیا گیا ہے اور اس کا نام ایڈا لوویس کے نام پر رکھا گیا ہے، جنہیں دنیا کی پہلی کمپیوٹر پروگرامر تصور کیا جاتا ہے۔ ای-ڈا کو جدید اور عصری آرٹ کے ماہر ایڈن میلر نے تیار کیا۔

سال2022میں دیے گئے ایک انٹرویو میں جب ای-ڈا سے پوچھا گیا تھا کہ کیا روبوٹ خیالی دنیا سے پینٹنگ کرتا ہے؟ تو ای-ڈا نے جواب دیا تھا کہ "مجھے وہ پینٹ کرنا پسند ہے جو میں دیکھتی ہوں، آپ خیالی دنیا سے پینٹنگ کرسکتے ہیں، اگر آپ کے پاس تخیل ہو جبکہ میرے دیکھنے کا انداز انسانوں سے مختلف ہے کیوں کہ میرے پاس شعور نہیں ہے۔”

from ARY News Urdu- International- عالمی خبریں https://ift.tt/6kjZO92