پوتی کی شہادت پر دنیا کو جھنجھوڑنے والے فلسطینی دادا شہید

فلسطین میں پوتی کی شہادت پر دنیا کو جھنجھوڑنے والے دادا اسرائیلی بمباری میں شہید ہو گئے۔

الجزیرہ کے مطابق غزہ میں اسرائیلی گولہ باری سےخالد نبھان شہید ہو گئے۔ فلسطینی شخص گزشتہ سال شہید پوتی کو چومتے اور اسے میری روح کہنے پر مشہور ہوئے تھے۔

خاندان کی شہادت کے بعد خالد نبھان نے اپنی زندگی فلسطینیوں کی مدد کیلئے وقف کی اور فلسطینیوں نے خالد نبھان کو ابودیہ کے نام سے پکارا جو دنیا میں فلسطینی دادا کے نام مشہور ہوئے۔

خالد نبھان آج صبح وسطی غزہ میں نصیرات پناہ گزین کیمپ پر بمباری میں شہیدہوئے۔ نومبر 2023 میں اسرائیلی فضائی حملوں میں خالد نبھان کی پوتی اور پوتا شہید ہوئےتھے۔

اسرائیل نے ابو حجر خاندان سے تعلق رکھنے والے گھر کو نشانہ بنایا جس میں فلسطینی خبر رساں ادارے وفا کے مطابق ایک بچے سمیت دیگر 4 افراد بھی شہید ہوئے۔

from ARY News Urdu- International- عالمی خبریں https://ift.tt/TzWvfsh