غزہ میں اسرائیلی جنگی جرائم کی تحقیقات، امریکا نے عالمی عدالت کے ججوں پر پابندی لگا دی

امریکا نے اسرائیلی جنگی جرائم کی تحقیقات کے فیصلے کا حوالہ دیتے ہوئے آئی سی سی کے مزید ججوں پر پابندیاں لگا دیں۔

امریکا نے غزہ کے جنگی جرائم کی تحقیقات اور اسرائیلی کوششوں کو روکنے کا الزام عائد کرتے ہوئے بین الاقوامی فوجداری عدالت کے عملے کے ارکان کے خلاف پابندیوں کا اعلان کیا ہے۔

جمعرات کی پابندیوں میں دو ججوں کو نشانہ بنایا گیا ہے جن میں جارجیا کے گوچا لارڈکیپانیڈزے اور منگولیا کے ایرڈینیبلسورین دامدین شامل ہیں۔

امریکی وزیر خارجہ روبیو نے کہا کہ ججوں نے "اسرائیل کی رضامندی کے بغیر، اسرائیلی شہریوں کی تحقیقات، گرفتاری، حراست یا ان کے خلاف مقدمہ چلانے کے لیے آئی سی سی کی کوششوں میں براہ راست مداخلت کی۔

انہوں نے لارڈکیپانیڈزے اور ڈیمڈین کو 15 دسمبر کو "اکثریت کے ساتھ ووٹنگ” کے لیے بھی قصور وار ٹھہرایا، جب آئی سی سی نے جنگی جرائم کی تحقیقات کو روکنے کی اسرائیل کی کوشش کو مسترد کر دیا تھا۔

امریکا اسرائیل کا اتحادی ہے اور اس نے غزہ میں اس کی نسل کشی کی جنگ کی حمایت جاری رکھ کر اس ملک کو اربوں کی فوجی اور اقتصادی امداد کی فراہمی جاری رکھی ہے۔

روبیو نے بیان میں کہا کہ آئی سی سی اسرائیل کو نشانہ بنانے والی سیاسی کارروائیوں میں مصروف عمل ہے جس نے تمام اقوام کے لیے ایک خطرناک مثال قائم کی ہے۔

from ARY News Urdu- International- عالمی خبریں https://ift.tt/Z7KOsrf