امریکی اقدامات کمزور سفارت کاری کا باعث بن رہے ہیں، عباس عراقچی

تہران : ایران کے وزیر خارجہ عباس عراقچی نے کہا ہے کہ امریکی اقدامات کمزور سفارت کاری کا باعث بن رہے ہیں، آبنائے ہرمز میں رکاوٹوں کا ذمے دار امریکا ہے۔

ایرانی خبر رساں ادارے وانا کی رپورٹ کے مطابق ایران اور ترکیہ کے وزرائے خارجہ کے درمیان ٹیلیفونک رابطہ ہوا ہے۔

اس موقع پر دونوں شخصیات نے خطے کی تازہ ترین صورتحال سمیت علاقائی پیش رفت اور موجودہ کشیدگی پر تبادلہ خیال کیا۔

ایرانی وزیر خارجہ عباس عراقچی نے اپنی ترک ہم منصب خاقان فیدان کو جنگ کے مستقل خاتمے کیلئے سفارتی اقدامات سے آگاہ کیا، انہوں نے کہا کہ حالیہ امریکی اقدامات سفارت کاری کو کمزور کا باعث بن رہے ہیں۔

Turkish Foreign Minister Hakan Fidan holds phone call with his Iranian counterpart Abbas Araghchi to review status of US-Iran talks – Turkish Foreign Ministry sources pic.twitter.com/HGnXnv8DMa

— TRT World (@trtworld) May 8, 2026

رپورٹ کے مطابق عباس عراقچی کا آبنائے ہرمز میں رکاوٹوں کا ذمے دار امریکی لاقانونیت کو ٹھہراتے ہوئے کہنا تھا کہ امریکا کا تباہ کن رویہ سفارتی عمل میں عدم اعتماد بڑھا رہا ہے، امریکی اقدامات سے اس کی سنجیدگی پر شکوک و شبہات پیدا ہوتے ہیں۔

دوسری جانب ایران نے کہا ہے کہ وہ تنازع کے خاتمے کے لیے امریکا کی جانب سے پیش کی گئی تجویز کا ابھی جائزہ لے رہا ہے۔

ایرانی وزارت خارجہ کے ترجمان اسماعیل بقائی نے نیم سرکاری خبر رساں ادارے تسنیم سے گفتگو کرتے ہوئے کہا کہ تہران امریکی تجویز کا تفصیلی جائزہ جاری رکھے ہوئے ہے اور جائزے کا عمل مکمل ہونے کے بعد اپنے حتمی مؤقف کا اعلان کرے گا۔

عباس عراقچی چین پہنچ گئے: چینی ہم منصب سے اہم ملاقات

from ARY News Urdu- International- عالمی خبریں https://ift.tt/jhVo7J0