امریکا لامحدود اختیارات کا حامل ہے، ہماری طاقت کی کوئی حد نہیں ہے، ٹرمپ

واشنگٹن(19 جون 2026): امریکی صدر ڈونلڈ ٹرمپ نے دعویٰ کیا ہے کہ وہ لامحدود اختیارات کے حامل ہیں اور ان کی طاقت کی کوئی حد نہیں ہے۔

امریکی نیوز ویب سائٹ "ایگزیوس” کو دیے گئے ایک خصوصی انٹرویو میں صدر ٹرمپ نے ایران کے ساتھ حالیہ معاہدے پر کھل کر گفتگو کی اور اسے امریکی سفارت کاری کی بڑی کامیابی قرار دیا۔

امریکی صدر کا کہنا تھا کہ ایران کے ساتھ ہونے والا یہ نیا معاہدہ تہران کے غیر مشروط ہتھیار ڈالنے کے مترادف ہے۔

انہوں نے بتایا کہ یہ معاہدہ عالمی معیشت کو ایک بڑے بحران سے بچانے کے لیے کیا گیا ہے، جس کے تحت آبنائے ہرمز کو دوبارہ جہاز رانی کے لیے کھول دیا گیا ہے، جبکہ جوہری مذاکرات کی بحالی کے لیے 60 روزہ مدت مقرر کی گئی ہے۔

صدر ٹرمپ نے مزید کہا کہ معاہدے کے باوجود کئی اہم اور حساس معاملات ابھی تک حل طلب ہیں، جن پر آئندہ ہونے والے مذاکرات کے اگلے ادوار میں تفصیلی بات چیت کی جائے گی۔

from ARY News Urdu- International- عالمی خبریں https://ift.tt/mWx2G5y